Абдувоҳид Неъматов: "Насаф" билан Ўзбекистондаги барча мусобақаларда ғолиб бўлдим"
09 ноя 2024 23:37
Новости

Абдувоҳид Неъматов: "Насаф" билан Ўзбекистондаги барча мусобақаларда ғолиб бўлдим"

Теги : "Насаф"Абдувоҳид Неъматов Чемпионлик

Суперлига 24-туридан ўрин олган "Насаф" - "Сўғдиёна" (0:1) учрашувидан сўнг "аждарлар" дарвозабони Абдувоҳид Неъматов сайтимизга кичик интервью берди.

- Чемпионлик билан табриклаймиз. Чемпионлик таъми қандай экан?

- Раҳмат. Биз йил бошиданоқ ўз олдимизга чемпионлик мақсадини қўйгандик. Яратганга шукр, бугун ушбу натижага эриша олдик. "Насаф" ва қашқадарёликларни чемпионлик билан табриклайман.

- Сиз учун энг қийин ўйин қайси бўлди?

- Аниқ бир ўйинни айтиб ўта олмайман. Ҳар бир учрашув ўзига яраша қийин бўлди. Ҳар бир баҳснинг меваси - ширин чемпионлик бўлди.

- Сиз учун Суперлигадаги энг яхши ўйинчи ким бўлди?

- Бундай номзодлар кўп-ку. Масалан, Акмал Мозговой, Шерзод Насруллаев, Ойбек Бозоров ва бошқалар.

- Кейинги йил мухлисларни хурсанд қиладиган гап айтасизми? Легионерга айланишингиз барча ўзбек футболининг ишқибозларини хурсанд қилиши аниқ.

- Келинг, олдиндан бир нарса демайлик. Бироз вақт ўтсин. Худога шукр "Насаф" билан Ўзбекистондаги барча мусобақаларда ғолиб бўлдим.

"Насаф" чемпионлигини қандай нишонлади?

Ссылка :

Источник : championat.asia

Получайте новости прямо в Telegram!

Рейтинг: +8