Абдуллоҳ Омоналиев "Сўғдиёна"га қайтди

Жиззах клуби тез орада бу ҳақда расмий маълумот беради.

"Бунёдкор"га ўтказган йиллар учун катта раҳмат айтаман. Иван Бошкович менга имконият беришини эшитганимдан кейин, таклифлар ичидан "Сўғдиёна"ни танладим. Мақсадим Суперлигада ўйнаш ва бу борада меҳнат қиламан. Жиззах менга бегона эмас, бу ерда тўп тепишга улгурганман. Ёшлар терма жамоасидаги дўстларим февралдаги мусобақада муваффақиятли тўп тепсалар, балки мен ҳам кейинги ўйинларда иштирок этарман. Бунинг учун кўп меҳнат қилишим кераклигини тушуниб турибман. Буёғига фақат меҳнат", - дейди 2005 йилда таваллуд топган футболчи.

Эслатиб ўтамиз, Омоналиев 2023 йилги мавсумнинг ярмини "Сўғдиёна"да ижарада ўтказган эди.