Аббос Файзуллаев: "Голимни ота-онам, тоғам ва янгамга бағишлайман"
17 июн 2023 23:20
Новости

Аббос Файзуллаев: "Голимни ота-онам, тоғам ва янгамга бағишлайман"

Ўзбекистон ҳамда Тожикистон терма жамоалари ўртасидаги баҳсдан (5:1) сўнг учрашувда ўз ҳисобига гол ёзиб қўйган Аббос Файзуллаев ушбу ўйин ҳақида фикр билдирди.

Аббос Файзуллаев: "Мен учун унутилмас кун бўлди, чунки терма жамоадаги биринчи голимни урдим. Голимни ота-онам, тоғам ва янгамга бағишлайман. Бизни Эронга қарши жуда муҳим баҳс кутиб турибди, бугундан ўша учрашувга тайёргарликни бошлаймиз.

- Рақиб жамоанинг кўплаб футболчилари жисмонан бақувват ва гавдаги ўйинчилар эди. Бу сизга қийинчилик туғдирмадими?

- Йўқ, ўз позициямга тушдим ва ўзимни қўлай ҳис қилдим.

- Бугун терма жамоа сафида гол урган 108-футболчига айландингиз...

- Жуда хурсандман, орзуларимдан бири амалга ошди. Энди кўплаб голлар ураман деб умид қиламан.

- Турли ёшдаги терма жамоаларда гол ургансиз, ҳиссиётлар бир-биридан фарқ қиладими?

- Катталар терма жамоасида гол уриш ёқимлироқ бўлса керак.

- Терма жамоалар сафидаги севимли голингиз?

- Осиё Кубоги 1-турида жарима зарбасидан урган голим.