А серияда пешқадамлик қилаётган “Наполи” мухлислари бир нечта полициячини жароҳатлади
07 янв 2018 11:46
Новости

А серияда пешқадамлик қилаётган “Наполи” мухлислари бир нечта полициячини жароҳатлади

Италия А сериянинг 20-туридан ўрин олган “Наполи” — Верона” ўйинида кўнгилсиз воқеа келиб чиқди. Мезбонларнинг 3:0 ҳисобидаги ғалабаси билан якунига етган ўйин вақтида неаполлик мухлислар “Верона” фанатларига ҳужум уюштирди.

Мухлислар ўртасидаги даҳанаки жанжални тўхтатишга отланган полиция вакилларининг ўзи жиддий қаршиликка дуч келди. Италия оммавий ахборот воситалари берган хабарга кўра, тўқнашув натижасида бир қатор полициячилар турли даражада тан жароҳати олган.

Тез орада Италия футбол федерацияси бу ишни кўриб чиқади. 15 дақиқа давом этган тўқнашувлар оқибатида “Наполи” А серия ўйинларидан бирини мухлисларсиз ҳам ўтказиши мумкин.