Жоржо Кьеллини: "VAR тизими ўзгариши шарт, бундай хатоларни қабул қилиб бўлмайди"

Унинг таъкидлашича, бугунги учрашувда содир бўлган ҳолатлардан кейин футбол ҳақида гапиришнинг ўзи қийин. "Бугун мутлақо қабул қилиб бўлмайдиган ҳолатлар юз берди. Бу фақат бизга эмас, бошқа жамоаларга ҳам тегишли бўлиши мумкин. Эҳтимол, эртадан бошлаб VAR тизимини ўзгартириш вақти келди. Чунки шундай муҳим ўйинларда бунчалик кўп хатолар такрорланиши мумкин эмас. Мавсум бошидан бери ҳакамлик даражаси талабга жавоб бермаётганини бутун дунёга етказишга ҳаракат қилдик. Афсуски, бугун айнан шу муаммо яна бир бор намоён бўлди. Бу ҳолат мавсум давомида кўплаб жамоалар билан юз берди. Энди ўзгариш қилишимиз шарт. Италия футболдаги муаммоларни доим орқага суришни давом эттира олмаймиз", — деди Кьеллини.

Эслатиб ўтамиз, учрашувнинг биринчи бўлими якунига яқин бош ҳакам "Ювентус" ҳимоячиси Пьер Калюлюни майдондан четлатган. Бу қарор туринликлар мураббийлар штаби норозилигига сабаб бўлди. Натижада, танаффус пайтида стадионнинг ички хоналарида жамоа мураббийлари ва ҳакам ўртасида тортишув юзага келиш хавфи пайдо бўлди.