Неъматулла Қуттибоев: "Энди ҳар бир ўйин биз учун финалга тенг"
20 окт 21:46
Новости

Неъматулла Қуттибоев: "Энди ҳар бир ўйин биз учун финалга тенг"

Про лиганинг навбатдаги туридан ўрин олган "Олимпик Мобиуз" - "Арал" (2:1) учрашувидан сўнг меҳмонлар бош мураббийи Неъматулла Қуттибоев фикрларини билдирди.

Қуттибоев: "Рақибларни бугунги ғалаба билан табриклаймиз. Биринчи бўлим тенг ўйин бўлди, иккинчи таймда "Олимпик Мобиуз" иккита гол урди, биз битта гол билан жавоб қилдик. Яна вазиятлар бўлди, улардан фойдаланишимиз керак эди. Бироқ бугун "Олимпик Мобиуз" яхшироқ кўринди".

- "Олимпик Мобиуз" ва "Арал" ўртасидаги фарқ 2 очко бўлиб қолди. Навбатдаги баҳслар иккала жамоа учун ҳам ўта муҳим бўлади. Бу учрашувларга тайёргарлик қандай бўлади?

- Ҳар бир ўйин биз учун финалга тенг. Иккита баҳсда ютишимиз керак. Бугун имкониятимиз пасайиб кетди.

- "Арал" гол урганидан сўнг кетма-кет вазиятларни кўкка совурди. Алижонов бўш дарвозани ишғол қила олмади, Қутибоев Исмоиловга пас берганд, у тўпга ета олмади, Қутибоевнинг ўзида ҳам имконият бўлди. Жамоага ўша вазиятларда нима етишмади?

- Бу ҳақида кийиниш хонасида ҳам йигитларга айтдим. Саламатнинг ўзи уриши керак эди. У тажрибали, қўрқмасдан вазиятни якунласа бўларди. Бундай баҳсларда биринчи бўлиб гол уриш керак, акс холда қийин бўлиши аниқ.