Қасим-Жомарт Тоқаев Шавкат Мирзиёевни миллий жамоа жаҳон чемпионатига чиққани билан табриклади
18 июн 2025 16:32
Новости

Қасим-Жомарт Тоқаев Шавкат Мирзиёевни миллий жамоа жаҳон чемпионатига чиққани билан табриклади

Бир неча кун олдин Ўзбекистон терма жамоаси ЖЧ-2026 учинчи саралаш босқичини муваффақиятли якунлаб, мундиал йўлланмасини қўлга киритди.

17 июнь куни Ўзбекистон Республикаси президенти Шавкат Мирзиёев амалий ташриф билан Остонага учиб борди. У ерда "Марказий Осиё - Хитой" иккинчи саммити бўлиб ўтди.

Саммит мезбони Қасим-Жомарт Тоқаев миллий жамоа жаҳон чемпионати йўлланмасига эга чиққани билан Ўзбекистон Республикаси президенти Шавкат Мирзиёевни қутлади.

"Ҳурматли Шавкат Миромонович Мирзиёевга сўз беришдан аввал, Ўзбекистон Республикаси президентини спорт соҳасидаги тарихий ютуқ - Ўзбекистон миллий терма жамоасининг 2026 йилги футбол бўйича Жаҳон чемпионати финал босқичига чиқиши билан чин юракдан табрикламоқчиман" - деди Қозоғистон президенти.

Саммитга йиғилган барча Ўзбекистон Республикаси президентини қарсаклар билан қутлашди.