Эшитдик-да! Йован Жокичга водийнинг икки клуби жиддий қизиқмоқда, унга таклиф қилинаётган маош ҳам маълум

Эртага, 10 декабрь куни қишки трансфер ойнаси очилади.

"Championat.asia" олган маълумотга кўра, ортда қолган мавсум "Навбаҳор" билан бирга Суперлига бронза медалларини қўлга киритган Йован Жокичга водийнинг икки клуби "Нефтчи" ва "Андижон" таклиф билан чиққан. 32 ёшли ярим ҳимоячи ҳали қарор қабул қилмаган. Биздаги маълумотларга кўра, "Нефтчи" Жокичга йиллик 300 минг доллар маош таклиф қилган.

Эслатиб ўтамиз, Жокич ортда қолган мавсум "Навбаҳор" таркибида Суперлига ва Ўзбекистон кубогида 33 та ўйинда майдонга тушиб, 6 та гол урган ҳамда 2 та ассист қайд этган.