"Ордабаси" раҳбарияти клубга мухлислик қилмоқчи бўлган блогерларни ўйинга киритмади

Қозоғистон Премьер-лигасининг 3-турида Чимкентнинг "Ордабаси" клуби Олма-Отанинг "Қайрат" жамоасига 1:2 ҳисобида мағлуб бўлди.

Қизиғи шундаки, мезбон клуб раҳбарлари жамоани қўллаб-қувватлаш учун ташриф буюрган ОАВ вакилларини стадионга киритмаган. Бу ҳақда таниқли блогер Арман Пирманов маълум қилди.

Пирмановнинг ўзи ҳам "Ордабаси"да фаолият юритади. Аммо раҳбарият жамоага PR керак эмас деган важ билан ўйинга келган блогерларга рухсат бермаган.

“Биз бир кун олдин аккредитация учун рўйхат тақдим этдик. Улар эртага ҳаммаси тайёр бўлишини айтишди. Эртага эса “Ордабаси”га реклама керак эмас, усиз ҳам ривожланганмиз”, дея бизни киритишмаяпти. “Ўзим “Ордабаси”да ишлайман ва бу воқеадан сўнг, эҳтимол, ишимни ташлайман”, — деди Арман Пирманов Instagram'даги саҳифасида.

Маҳаллий блогер Чимкент клубининг бундай гапларни айтиши ақлга сиғмаслигини, айтди.

"Мен мамлакатдаги энг машҳур YouTubeр'ларни олиб келдим, улар ўз каналлари ва ижтимоий тармоқлардаги саҳифаларида бепул реклама қилишга рози бўлишди. Бундай фуқароларнинг ҳаммасини бир жойга жамлаганимиздан сўнг атиги бир дақиқага стадионга кира олдик, кейин ҳаммани ҳайдаб юборишди. Бу шармандалик!" - дейди спорт блогери.

У нафақат “Ордабаси”, балки мамлакатнинг барча клубларини ОАВга эътиборни кучайтиришга чақирди.

Эслатиб ўтамиз, беллашувда мезбонлар таркибидаги ягона голга ўзбекистонлик футболчи Жасур Яхшибоев муаллифлик қилди.