RU

Последние новости

02:41А Серия. "Рома" Рим дербисида "Лацио"ни мағлуб этди, Шомуродов 74-дақиқада ўйинга қўшилди  12 00:37Спорт директор Берта "Атлетико"дан кетди. Итальян 2013 йилдан бери клубда ишлаётганди  0 23:35Дембеленинг 90+2 дақиқада урган голи ПСЖга "Монако" устидан ғалабани таъминлаб, Франция Суперкубогини тақдим этди  0 23:26АПЛ. "Ливерпуль" ва "Манчестер Юнайтед" ўртасидаги ўйинда 4та гол урилди  92 22:58"Насаф" Анталиядаги йиғинда кимлар билан ўйнайди?  0 22:24Тони Кроос: "Флориан Вирц "Реал" учун ажойиб харид бўлиши мумкин"  2 21:55Де Брюйне "Сити" билан шартномани узайтириш ҳақидаги саволга: "Менга барибир. Шунчаки ўзимнинг даражамга қайтишга уриняпман"  1 21:08"Ланс" бош директори: "Ҳусанов клубдан кетади"  17 20:59Лига 1. "Ланс" Ҳусановсиз ўз уйида "Тулуза"га мағлуб бўлди  9 20:01Ўтган мавсумни "Бунёдкор"да ўтказган легионер "Локомотив"га ўтди  0 19:35"Милан" Ольмо билан ярим йилга шартнома имзолаши мумкин. Битимда июлда "Барса"га қайтиш борасида банд бўлади  3 19:03"Локомотив" "Металлург" собиқ ўйинчисини ўз сафига қўшиб олди  1 18:32Анчелотти қандай ҳолатда "Реал"дан кетади?  12 17:46Фабрицио Романо Абдуқодир Ҳусановнинг трансфери борасида янги маълумот эълон қилди  37 17:32"Ливерпуль" ва МЮ ўртасидаги ўйин кучли қорга қарамай ўтказилади  7

"Навбаҳор" қарздорликларни ҳалигача тўлиқ бартараф этмаган. ЎзПФЛ бундан хавотирда Новости

"Навбаҳор" қарздорликларни ҳалигача тўлиқ бартараф этмаган. ЎзПФЛ бундан хавотирда

"Навбаҳор" футбол клуби имзоланган шартномавий муносабатлар бўйича ўз мажбуриятларини лозим даражада бажара олмаётгани Ассоциация ҳамда Лига хавотирига сабаб бўлмоқда.

Хусусан, тўлиқ бўлмаган ахборот клуб мухлисларининг нотўғри хулосалар ва талқинларига олиб келаётгани сир эмас. Шундан келиб чиқиб, Лига мазкур масалага ойдинлик киритишни лозим деб топди. Зеро, клуб молиявий мажбуриятларни бажаришда олдинга силжиш ўрнига, йилдан йилга янада мураккаб вазиятга тушиб бормоқда.

Ўтган йилнинг 18 декабрь санасида ЎФА тегишли қўмитаси "Навбаҳор" клубига қишки трансфер ойнасида янги футболчиларни рўйхатдан ўтказишга тақиқ қўйганди. Шунга қарамай, клуб қатор футболчилар билан шартнома имзолашда давом этмоқда. Бироқ мазкур шартномаларни Лига рўйхатидан ўтказиш имконияти мавжуд эмас. Лига рўйхатидан ўтаётган футболчилар электрон платформа орқали ФИФА билан тўғридан-тўғри интеграциялашаётганидан келиб чиқиб, мазкур масала жиддий аҳамият касб этишини тушуниш мумкин.

ЎФА қўмитаси шу йилнинг 17 январь кунги йиғилишда "Навбаҳор" клубига қўйилган тақиқ давом этишини, қўшимчасига футбол клуби жаримага тортилганини маълум қилди. Боиси, клубнинг шартномавий мажбуриятлар масаласида муаммолари етарлича. Жумладан, "Навбаҳор фарм" жамоаси ҳамда футзал жамоаси спортчилари билан ҳисоб-китоб ишлари амалга оширилмаган. Ишни тўғри йўлга қўйган Суперлига клублари эса мазкур масалани 10 январь санасидаёқ ҳал қилишга эришганди.

Шунингдек, "Навбаҳор" мураббийи Григорий Колосовский клубга нисбатан учинчи бор ариза киритди. Унда мураббий билан уч мавсумдан буён тўлиқ ҳисоб-китоб қилинмаётгани қайд этилган. Мутахассис ҳуқуқларини ҳимоя қилаётган қонуний вакил клуб ҳар сафар ваъда билан чекланиб қолаётганидан келиб чиқиб, бу сафар трансфер тақиқи қўйишни талаб қилган. Мазкур ишда талаб қилинаётган сумма "Навбаҳор" футзал жамоасининг тўлиқ бир мавсумдаги ҳаражатларидан кўпроқни ташкил қилади.

"Навбаҳор" шарафини ҳимоя қилган Остон Ўрунов ҳамда Аброр Исмоилов масаласи ҳам очиқлигича қолган. Остон барча масалани ФИФА тегишли регламентида белгилангани бўйича амалга оширди. "Навбаҳор" Ўрунов билан жорий йилнинг 1 февраль санасига қадар ҳисоб-китоб қилиниши юзасидан расмий кафолат берган бўлса-да, мазкур кафолатга амалга қилинмади.

Олександр Касьян билан меҳнат шартномасини имзолаш олдидан "Навбаҳор" ОКМК клуби билан келишув имзолаган. Бироқ келишув шартлари ўз вақтида амалга оширилмаганидан келиб чиқиб, "Навбаҳор" ОКМК олдида қарздорга айланган. Мазкур масала ҳозиргача ҳал этилмаган.

Юқорида қайд этилган ишлар фақатгина Лигага маълум бўлганлари ҳисобланади. "Навбаҳор" қарздорликлар тўлиқ бартараф этилгани масаласини Ассоциация учун исботламаганидан келиб чиқилса, янги-янги қарздорликлар чиқиб келиши катта эҳтимол.

Лига "Навбаҳор" қайд этаётган натижаларни алоҳида эътироф этади. Биз клуб мухлислари ва уларнинг клуб муваффақиятларидаги алоҳида ҳиссаларини қадрлаймиз. Аммо бу каби масалалар профессионал футбол клубининг иш тизимига, ФИФА, ОФК, ЎФА талабларига масъулиятсизларча ёндашишга сабаб бўлмаслиги лозим.

Рейтинг: +13   

Комментарии

championat.asia
< посмотреть последние новости
Яндекс.Метрика