Роман Абрамович «Челси»нинг «Ливерпул»га қарши иккинчи таркиб билан ўйнашини маъқуллади
24 апр 2014 15:03
Новости

Роман Абрамович «Челси»нинг «Ливерпул»га қарши иккинчи таркиб билан ўйнашини маъқуллади

Лондоннинг «Челси» клуби эгаси Роман Абрамович жамоа бош мураббийи Жозе Моуриньюнинг якшанба куни Англия Премьер-лигаси доирасида «Ливерпуль»га қарши ўйинда асосий бўлмаган таркиб билан ўйнаш қарорини қўллаб-қувватлади.

Бу ҳақда «Интерфакс» ахборот агентлиги хабар бермоқда.

The Telegraph’нинг ёзишича, 27 апрель, якшанба куни бўладиган «Ливерпуль»га қарши ўйиндаги мағлубият «Челси»ни Англия чемпионлиги йўлидаги имкониятларини тўла йўққа чиқариши мумкин бўлса-да, «Челси» раҳбарияти жамоа бош мураббийининг ҳозирги қарорига қарши эмас.

«Челси» 30 апрель, чоршанба куни Европа Чемпионлар лигаси ярим финали доирасида Лондондаги «Стэмфорд Бридж» стадионида Испаниянинг «Атлетико» жамоасига қарши жавоб ўйинини ўтказади ва шу сабаб Моуринью асосий ўйинчиларнинг саломатлиги билан таваккалчилик қилмоқчи эмас.

Португалиялик мутахассиснинг бу қарори Англия футбол мутахассислари томонидан кескин танқидлар билан кутиб олинди, хусусан, чемпионлик пойгасида фаол иштирок этаётган «Манчестер Сити» жамоаси бош мураббийи Мануэль Пеллегрини ушбу ғояни қоралаб чиқди.

Ссылка :

Источник : kun.uz

Получайте новости прямо в Telegram!

Рейтинг: