"Турон"да легионерлар сони яна биттага кўпайди

Хабарингиз бор, айни кунларда Бахтиёр Ашурматов бош мураббийлигидаги "Турон" жамоаси Тошкент шаҳрида ўқув-йиғин машғулотларини давом эттирмоқда. 

Янги мавсум олдидан таркибни кучайтириш мақсадида водийликлар сафига бир қатор футболчилар келиб қўшилмоқда. Хусусан, черногориялик ҳимоячи Никола Кумбурович клуб билан бир йиллик шартномага имзо чекди.

Кумбурович фаолияти давомида "Искра" ва "Будучность" клублари сафида майдонга тушган. Шунингдек, у Черногория давлатининг турли ёшдаги терма жамоалари сафида ҳам ўйнаган.

Аввалроқ сербиялик футболчи Милан Божович "Турон" футболчисига айлангани ҳақида хабар бергандик.