Эшитдик-да! "Сўғдиёна"нинг 3 нафар асосий ўйинчиси "Навбаҳор"га ўтмоқда
20 дек 2022 11:35
Новости

Эшитдик-да! "Сўғдиёна"нинг 3 нафар асосий ўйинчиси "Навбаҳор"га ўтмоқда

Суперлига клублари янги мавсум олдидан таркибни шакллантириш жараёнларини давом эттиришмоқда.

Ўтган мавсум чемпионатда кумуш медалларни қўлга киритган ва кубокда финалгача етиб борган "Навбаҳор" жамоаси "Сўғдиёна"нинг 3 нафар асосий таркиб футболчиларини ўз таркибига жалб қилмоқда. Декабрь ойининг бошида Шоҳруз Норхонов наманганликлар сафига ўтгани ҳақида хабар берган эдик.

"Championat.asia" сайти маълумотларига кўра, Норхоновдан ташқари, чап қанот ҳимоячиси Лука Чермель ҳамда ўнг қанот ҳимоячиси Шаҳбоз Жўрабеков ҳам янги мавсумни "Навбаҳор" таркибида бошлайди.

Ноябрь ойи охирларида ҳар иккала ҳимоячи Жиззах клубини тарк этгани ҳақида хабар берган эдик.

Ўтган мавсум Суперлигада Норхонов 25та ўйин ўтказди ва 10та гол уриб, 3та голли пас берган. Чермель 24та учрашувда 1та гол уриб, 1та голли пас берган. Жўрабеков эса 25та беллашувда 2та гол уриб, 5та голли пас берган.

Эслатиб ўтамиз, Самвел Бабаян бошчилигидаги "Навбаҳор" бугун Наманганда йиғинга киришади.