"Сўғдиёна" футбол мактаби, бунёд этилаётган академия ва Жиззах ОЗКга ташрифдан ГАЛЕРЕЯ
02 апр 2022 13:54
Новости

"Сўғдиёна" футбол мактаби, бунёд этилаётган академия ва Жиззах ОЗКга ташрифдан ГАЛЕРЕЯ

Ўзбек футболининг 110 йиллигини кенг қамровли нишонлаш мақсадида Жиззахда ўзбек футболининг 110 йиллигига бағишланган тадбир доирасида бугун "Сўғдиёна" болалар футбол мактаби, янги қурилаётган футбол академияси ҳамда Жиззах Олимпия захиралари коллежига ташриф буюрдик.

Дастлаб "Сўғдиёна" футбол мактабида таҳсил олаётган жажжи йигит-қизларнинг машғулот жараёни билан танишдик.

Сафаримизнинг давоми янгидан бунёд этилаётган болалар футбол академияси бўлди. Бизга маълумот беришича, қурилишга жами 136.3 млрд сўм маблағ ажратилган. Ушбу академия ноябрь ойида фойдаланишга топширишга мўлжалланмоқда. Академияда 120 ўринга мўлжалланган ётоқхона ва ошхона ҳам қурилади. Ушбу даргоҳда 11 мураббий машғулотлар олиб бориши кўзда тутилган. Мазкур футбол масканига 12, 13, 14 ва 15 ёшдан иборат болалар тўрт гуруҳга қабул қилинади.

Шунингдек, Жиззах Олимпия захиралари коллежига ҳам қадам ранжида қилдик. Коллежда 750 ўринли ўқув бино, 200 ўринли "Ўқувчилар турар жойи", 102х72 хажмдаги ёпиқ спорт манежи, 21х50 хажмли очиқ сув хавзалари мавжуд. Жиззах Олимпия захиралари коллежида 18 та спорт йўналишлар бўйича ўқувчилар таҳсил олади. Коллежда 115 нафар ўқитувчи мураббийлар ўқувчиларга таълим тарбия бериб келмоқда.