ЕЧЛ. Чорак финал жуфтликлари маълум ёхуд МЮ - "Бавария"

                                             ЯНГИЛАШ

Мана шу саҳифа орқали қуръа жараёнини ёритиб борамиз.

Диққат қилинг! Қуръа маросими бошланди.

Жанни Инфантино УЕФА президенти Мишель Платинининг чорак финалчиларга йўллаган табригини ўқиб эшиттирди. Эътиборлиси, чорак финалга 8та гуруҳнинг ғолиблари етиб келишди.

Ҳар бир клубга аталган махсус роликлар намойиш этилди, ажойиб вазиятлар, ажойиб голлар...

Энди саҳнага Лиссабондаги финал элчиси Луиш Фиго таклиф этилди. Футболчилик фаолиятини тугатган Фиго ҳамон яхши формада, оқ костюм ва тўқ кўк галстук кийиб олган.

Инфантино саҳнага УЕФА техник директори Жоржио Маркеттини чорлади. У ҳам қуръа жараёни ҳақида тушунтириш берди.

Жараён бошланди:

Биринчи бўлиб "Барселона" чиқди!
Биринчи жуфтлик: "Барселона" - "Атлетико"

"Реал"га ким рақиб бўлади?
Иккинчи жуфтлик: "Реал" - "Боруссия Д"

ПСЖ ўз рақибини кутмоқда...
Учинчи жуфтлик: ПСЖ - "Челси"

Сўнгги жуфтлик: "Манчестер Юнайтед" - "Бавария"


Демак барча жуфтликлар билан танишиб олинг:
БАРСЕЛОНА (Испания) - АТЛЕТИКО (Испания)
РЕАЛ (Мадрид, Испания) - БОРУССИЯ (Д, Германия)
ПСЖ (Франция) - ЧЕЛСИ (Англия)
МАНЧЕСТЕР ЮНАЙТЕД (Англия) - БАВАРИЯ (Германия)

Чорак финалнинг биринчи ўйинлари 1-2 апрель кунлари, жавоб баҳслари эса 8-9 апрель кунлари бўлиб ўтади.

Эслатиб ўтамиз, мусобақанинг бу йилги финали 24 май куни Лиссабондаги "Эштадиу ду Бенфика" стадионида бўлиб ўтади.