Уят! "Навбаҳор" расмийларининг хунук "қилиқлари"ни томоша қилинг

АГМКнинг ғалабасидан кейин кайфият зўр эди. Афсуски, узоққа чўзилмади — Намангандан олинган "иссиққина" видеолавҳалар туфайли. Марҳамат, сиз ҳам томоша қилинг.

Келинг, ҳакам ва мухлисларнинг ҳаракатларига баҳо беришни кейинроққа қолдириб, мезбон жамоа расмийларига тўхталайлик. Бунақа вазиятларда тинчланиб, мухлисларниям хотиржамликка чорлаши керак бўлган персоналлар ўйин давомида нима билан банд эди? Жавоб шундай:

Кимдир майдондан "ҳаромдан бўлган" кишини қидирди, кимдир Чераннинг онасига севгисини изҳор қилган бўлса, аллаким унинг "(беғар)азлиги"ни юзига солди... Видеода жазавага тушган баъзиларнинг футболчиларга ташлангани, кийиниш хонасига қадар таъқиб қилгани ҳам кўринган.

Бу ҳаракатларни ҳеч қанақасига оқлаш мумкин эмас. Биз кўрган лавҳаларни футболимиз мутасаддилари ҳам кўрганини инобатга олсак, тез орада уларга нисбатан жиддий чора кўрилишини тахмин қилиш қийин эмас. Зеро, ЎзПФЛ расмийлари аллақачон вазиятга реакция билдиришга улгурди:)

Регламент нима дейди?

Мусобақаларни ўтказиш регламентининг 18-боби "Футбол клублари, клублар раҳбарлари ва футболчиларнинг мажбурияти", деб номланган ва ундан қуйидаги қоидалар ўрин олган:

18.1. Футбол клублари ўзларининг ушбу Регламентда белгиланган

мажбуриятларини бажармаслик ёки лозим даражада бажармаганлиги учун

жавобгар ҳисобланади.

18.2. Футбол клублари, клублар раҳбарлари, расмий шахслари,

футболчилар ва клубларнинг мусобақаларда иштирок этувчи бошқа

ходимлари (кейинги ўринларда — клуб расмий шахслари) юқори даражадаги

интизом, тартиблилик, уюшқоқлик, ўзаро ва томошабинларга нисбатан

ҳурматни намойиш этиб, ушбу Регламентнинг барча талабларига риоя

қилишлари шарт.

18.3. Клуб ўз жамоаси аъзоларининг хулқ-атвори учун бевосита

масъулдир. Улар учрашув комиссари, инспектори ва ҳакамларининг (кейинги

ўринларда — учрашув расмий шахслари) ҳаракатларига аралашиши

тақиқланади.

18.4. Футбол клублари ўзларининг томошабинлари (жамоа

мухлислари), шунингдек, клуб номидан бирор-бир учрашувда муайян

вазифани бажараётган ҳар қандай шахс хулқи учун ҳам жавобгардир...