RU

Последние новости

02:34"Спортинг" раҳбари Гёкерешнинг йиғинга келмагани ҳақида: "Даҳолар босим ўтказиш орқали трансферни осонлаштирамиз деб ўйлашади, аммо бу уни қийинлаштиради. Ҳаммаси катта жарима ва кечирим сўраш билан ҳал бўлади"  1 00:55Футзал. "Қизилқум" ўтиш ўйинида "Пахтакор"ни мағлуб этиб, Олий лигага йўлланма олди  0 00:22"Челси"га Доннарумма ёқади. Футболчи КЖЧдан сўнг битим борасида қарор қабул қилади  2 23:58Шквирин "Андижон"да  3 23:31Суперлигада 2025 йилги мавсумнинг илк қисмидаги энг яхши 10 ўйинчи  4 22:36"Барселона"га "Челси" форварди керак  6 22:11ЦСКА ва Аббос Файзуллаев — Россия Суперкубоги соҳиби  9 21:40Элдор Шомуродов нега айнан "Истанбул Башакшеҳир"ни танлади?  9 20:48"Ливерпуль" футболчиси "Реал"га ўтишга тайёр  4 20:20Неймар қиз фарзандли бўлди, Роналду яхтада Жоржина билан сайрга чиқди. Футбол юлдузлари ҳафтани қандай ўтказди?  5 19:55Тебас "Реал"нинг Ла Лигадаги биринчи ўйинини кўчирилмаслигини айтди  10 19:24"Ювентус" футболчиси Дуглас Луис фаолиятини АПЛда давом эттириши мумкин  1 18:59"Арсенал" "Барселона" ярим ҳимоячиси учун курашга қўшилди  19 18:52"Навбаҳор", "Динамо", "Бухоро"га жарима ва яна кўплаб қарорлар – Тартиб-интизом қўмитасининг навбатдаги йиғилиши тафсилотлари  16 18:29Эшитдик-да! Жамшид "Нефтчи"дан "Навбаҳор"га қайтмоқда  21

ОЧЛ. Коронавирус гирдобига тушиб қолган "Ал Ҳилол" яқинда фаолиятини тугатган клуб афсонасини футболга қайтармоқда Новости

ОЧЛ. Коронавирус гирдобига тушиб қолган "Ал Ҳилол" яқинда фаолиятини тугатган клуб афсонасини футболга қайтармоқда

Шу кунларда Қатар яшил майдонларида ОЧЛ-2020 Ғарб минтақаси ўйинлари марказлашган ҳолда ўтказилмоқда.

"B" гуруҳидан ўрин олган саудия Арабистонининг "Ал Ҳилол" клуби Доҳага келганидан бери коронавирус гирдобига тушиб қолган.

ТЕЗКОР! “Ал-Ҳилол”да коронавирус билан боғлиқ янги ҳолатлар аниқланди, жамоа ОЧЛдаги иштирокини якунлаши мумкин

Риёдликлар делегациясидагилардан деярли ҳар куни янги касалланганлар чиқмоқда. Регламентга кўра, барча жамоалар ҳар 3-5 кунда Covid-19га тест топшириши керак, бироқ ҳозирги ҳолат сабаб "Ҳилол" вакиллари ҳар куни тест топширишмоқда. Ҳозирга келиб ОЧЛнинг амалдаги чемпионлари сафида роппа-роса 15 нафар ўйинчи коронавирус сабаб карантинга олинган. Бундан ташқари, 10га яқин мураббий ва ходимларда ҳам вирус аниқланган.

Breaking news. "Ал Ҳилол" етакчилари Жовинко ва Ал Давсарида ҳам коронавирус аниқланди

Кеча, 19 сентябрь куни "Ал Ҳилол"нинг ёшлар жамоаси таркибидан 2 нафар дарвозабон ва бир нафар ўйинчи асосий жамоага келиб қўшилган. Мусобақа протоколига кўра ўйинларни қолдириш мумкин эмас, яъни "Ал Ҳилол" қандай таркиб бўлса ҳам ўйнайди ёки БААнинг "Ал Ваҳда" клуби сингари мусобақадан четлаштирилади.

Юзага келган жуда ҳам мураккаб вазият сабаб риёдликлар яқиндагина профессионал фаолиятини якунлаган клуб афсонаси Муҳаммад Ал Шлҳубни футболга қайтармоқда. Клуб 40 ёшли Ал Шлҳубдан катта футболга қайтишни ва Чемпионлар лигасининг қолган ўйинларида жамоага ёрдам беришни сўраб уни Доҳага чақирган. Катта эҳтимол билан футболчи бугун Доҳага етиб келади (балки етиб келган бўлиши ҳам мумкин). Аввало, у Cocid-19га тест топширади, жавоби чиққунча меҳмонхонадан чиқишга ҳаққи йўқ. Тест жавоби 6 соатгача чиқади, кейин у жамоа ихтиёрида бўлади. Агар Ал Шалҳуб бугун "Шаҳр Ходро" билан ўйинга улгурмаган тақдирда кейинги баҳсдан майдонга қайтади.


Муҳаммад Ал Шлҳуб "Ал Ҳилол"нинг энг катта афсонаси десак муболаға бўлмайди. У кичик болакайлигида клубга келган ва бутун профессионал фаолиятини ҳам айнан шу ерда ўтказган. Мухлислар ҳам ўзларининг энг севиклиларини вақтинча футболга қайтишидан мамнун бўлишлари аниқ. Унинг фаолиятини катта мақола қилиб ёзиш мумкин. Фақат, ҳозир эмас. Бироз кейинроқ.

Клуб матбуот хизмати Ал Шлҳуб фаолиятини якунлаганига бағишлаб бир қатор ажойиб постерларни тайёрлаганди. Мана ўша постерлардан бири.


Айни пайтга келиб "Ал Ҳилол"нинг жами 15 нафар футболчисида коронавирус аниқланди. Булар:

Дарвозабонлар: Муҳаммад Вакид, Абдуллоҳ Ал Жадани, Наваф Ал Ғамди.

Ҳимоячилар: Муҳаммад Ал Бурайк, Ёсир Ал Шаҳрони, Абдуллоҳ Ал Ҳафиз, Мутеб Ал Муфарриж, Али Ал Булайҳи.

Ярим ҳимоячилар: Салмон Ал Фараж, Ҳамад Алабдан, Наваф Ал Обид, Салим Ал Давсари.

Ҳужумчилар: Себастьян Жовинко, Салоҳ Шеҳри, Бафетимби Гомис.


Эслатиб ўтамиз, "Шаҳр Ходро" - "Ал Ҳилол" баҳси бугун маҳаллий вақт билан 18:00 (Тошкент вақти билан 20:00)да старт олади. Беллашув "Ал Жануб" стадионида бўлиб ўтади.

Рейтинг: +9   

Комментарии

championat.asia
< посмотреть последние новости
Яндекс.Метрика