ЎФА ва ПФЛ келишилган ўйинларда иштирок этгани аниқланган икки клубни четлаштирди
18 окт 2019 11:55
Новости

ЎФА ва ПФЛ келишилган ўйинларда иштирок этгани аниқланган икки клубни четлаштирди

Хабарингиз бор, жорий йилнинг июль ойида Ўзбекистон футбол Ассоциацияси Осиё футбол Конфедерацияси билан келишилган ўйинлар ҳамда тотализаторга қарши курашда яқиндан ҳамкорлик қилиш бўйича келишиб олган эди.

Ушбу ҳамкорлик натижаси ўлароқ, "А" Про-лига иштирокчиси "Ифтихор" ҳамда "B" Про-лигада иштирок этиб келаётган "Раш Милк" футбол клубларининг келишилган ўйинларга алоқадор эканлиги, шунингдек Регламент талабларини қўпол равишда бузиб келаётгани аниқланди.

Шу сабабдан ЎФАнинг Интизом ва одоб-аҳлоқ (этика) ва Лицензиялаш қўмиталарининг қарорига асосланиб ПФЛ томонидан 2019 йилги мавсумда "Раш Милк" футбол клубига Ўзбекистон чемпионатининг "В" Про-лигада, "Ифтихор" футбол клубига эса "А" Про-лигада иштирок этиш учун берилган лицензияларнинг амал қилиши тугатилди ва ушбу икки клуб мусобақалардан четлаштирилди.

Маълумот учун, "Ифтихор" "A" Про-лигада 20та ўйин ўтказган ҳолда бор йўғи 5 очко билан сўнгги поғонада бораётган бўлса, "Раш Милк" "B" Про-лигада 21та учрашувдан кейин 41 очко тўплаб, "Локомотив БФК" билан бирга иккинчи ўринни бўлишиб турган эди.

Ссылка :

Источник : ЎФА матбуот хизмати

Получайте новости прямо в Telegram!

Рейтинг: +22