Футзал. 3-тур. 3-кун. "Пахтакор" – "Локомотив" 1:7 (+ фото)

Тошкент дербисида "темирйўлчилар" 7:1 ҳисобида зафар қучишди. Артур Юнусов учрашувда учта гол уришга муваффақ бўлди.

"Пахтакор" – "Локомотив" 1:7
Голлар: Илнар Бахтиев 37 - Фурқат Азизов 6, 37, Фахриддин Самегов 6, Артур Юнусов 24, 32, 39, Ислом Комолжонов 34,
“Пахтакор”: Элёр Самадов, Иномжон Қодиров, Нодир Исроилов, Элбек Бакаев, Илнар Бахтиев, Маҳкам Нигматов, Александр Картаузов, Евгений Холмуҳамедов, Зуҳриддин Зиёмуҳамедов, Алан Аминов, Билолиддин Исроилов, Азизжон Рахимжонов, Алишер Ғуломов, Артур Аминов
“Локомотив”: Муродхўжа Азаматов, Андрей Шлёма, Фарход Мирахмедов, Олег Холмуҳамедов, Фаҳриддин Самегов, Фурқат Азизов, Даврон Чориев, Зафар Азаматов, Дониёр Усмонов, Аббосжон Пўлатов, Олег Тукмаков, Ислом Комолжонов, Артур Юнусов.

Учрашув тугагач "Локомотив " устози Аҳад Юсупов ўз фикрларини билдирди: 
"Кечаги мағлубиятдан сўнг йигитлар ўзларига келиши қийин бўлди, бироқ мағлуб бўлмайдиган жамоа бўлмайди. Шундан хулоса қилган шогирдларим бугун чиройли ўйин намойиш этишди ғалабага эришишди. "Пахтакор"да ҳозир асосан ёшлар ўйнашмоқда, биз таркибимизда эса тажрибали футзалчилар кўп".

- Кечаги мағлубиятга нима сабаб бўлди?
- Ушбу мағлубият учун барча айбни ўз зиммамга оламан. Биласиз биз Осиё чемпионлар лигасида Ўзбекистон шарафини ҳимоя қиламиз. Ушбу мусобақага тайёргарлик сифатида кеча бир нечта вазиятларни синовдан ўтказмоқчи бўлгандик. Аввало мен, ундан кейин йигитлар рақибни менсишмади, шу боис ҳам мағлуб бўлдик. Қаршининг "Дўстлик AIN" жамоаси чемпионат дебютанти бўлишига қарамай чиройли ўйин намойиш этмоқда.


Толибжон Қосимов.