2-лига. "Ўрикзор" жамоаси танлов эълон қилади

2-лига аъзоси ҳисобланган Тошкентнинг "Ўрикзор" жамоаси ҳам айни пайтда машғулотларни давом эттирмоқда.

"Ўрикзор" клуби иккинчи давра олдидан таркибни кучайтириш мақсадида ёш ўйинчилар учун танлов эълон қилди. Танловдан муваффақиятли ўтганлар "Ўрикзор" таркибида тўп тепишади.

Машғулотлар ҳар куни соат 18:00дан 20:00га қадар Яккасарой туманидаги 144-мактаб майдонида ўтказилади.

Эслатиб ўтамиз, яқиндагина "Ўрикзор" жамоасидан чиққан футболчи Абдулло Маҳкамов "Машъал" клуби билан 3 йиллик шартнома имзолади ва янги жамоасида ўртоқлик ўйинида гол ҳам урди. Абдулло Маҳкамов ўтган мавсумнинг иккинчи қисмида "Обод"га ўтган эди. "Обод" ўринбосарлари таркибида тўп тепиб юрган ярим ҳимоячи энди муборакликлар таркибида шуғулланмоқда. Бундан ташқари, "Ўрикзор"дан чиққан яна бир ўйинчи Муҳаммадаъзим Нурматов бугунги кунда "Металлург" ўринбосарлари таркибида ўйнаб келмоқда.

"Ўрикзор" жамоасида кўрикдан ўтишни истаганлар қуйидаги рақамга қўнғироқ қилишлари мумкин:
+99898 3038843 (Бахтиёр Эргашев, "Ўрикзор" бош мураббийи).