13 июнь куни жонли эфирда Ўзбекистон кубоги саралаш босқичига қуръа ташланади
04 июн 2020 18:23
Новости

13 июнь куни жонли эфирда Ўзбекистон кубоги саралаш босқичига қуръа ташланади

13 июнь куни Coca Cola Ўзбекистон кубоги биринчи босқичига қуръа ташлаш маросими бўлиб ўтади.

Шу куни Coca Cola Суперлига 4-туридан ўрин олган "Бунёдкор" - "Қўқон-1912" учрашуви бўлиб ўтади. Мазкур беллашувнинг танаффусида "Бунёдкор" стадионида Coca Cola Ўзбекистон кубоги биринчи босқичига қуръа ташланади. Қуръа "Спорт" телеканали орқали жонли эфирда намойиш этилади.

Ушбу босқичда Про лиганинг барча 8 жамоаси иштирок этади. Қуръа саккиз жамоани тўрт жуфтликка ажратиб беради. Иккинчи босқичга йўл олган тўрт жамоа яна икки жуфтлик ҳосил қилади. Ғолиблар Coca Cola Суперлиганинг 14 клубига қўшилиб, кубокнинг гуруҳ босқичига йўлланма олади.

Таъкидлаш жоиз, "Бунёдкор" - "Қўқон-1912" ўйини 13 июнь куни соат 19:00 да старт олади.

Ссылка :

Источник : pfl.uz

Получайте новости прямо в Telegram!

Рейтинг: +3