"12-сектор"нинг илк меҳмони Аброр Турсунов

Ушбу лойиҳага кўра, сайтимизда фаол, одобли, намунавий томонлама ўзини кўрсата олган фойдаланувчиларимиз ушбу лойиҳа меҳмони бўладилар. Демак, дастлабки меҳмонимиз "Abror Tursunov" никидаги мухлисимиз бўлди.

Исм-шарифи: Аброр Турсунов.
Туғилган жойи: Сирдарё вилояти, Гулистон шаҳри.
Туғилган санаси: 1989 йил, 22 декабр.
"Тошкент тўқимачилик ва енгил саноат институти"да таҳсил олган.
Айни пайтда "Сифат маркази" ходими.





- Сайтимизга қачондан бери кирасиз ва у сизни нимаси билан қизиқтиради?
- Тахминан 2010 йилнинг охирларидан. Қатарда бўлиб ўтган Осиё Кубогидан олдин сайтнинг фойдаланувчисига айланганман. Сайтнинг менга ёқадиган томони шундаки, championat.asia бошқаларга нисбатан ҳаққоний, реалликка яқин деб ҳисоблайман.

- Олий лигамизда кимга ишқибозлик қиласиз?
- Фақат "Пахтакор"га. Эсимни таниганимдан бери ушбу жамоанинг мухлисиман.

- Гулистондан экансиз, истармидингиз Гулистонда ҳам ҳақиқий, рақобатбардош жамоа бўлишини?
- Албатта. Фақат бунинг учун футболга эътибор кучли бўлиши зарур. Айни пайтда эътибор йўқ.+

- Ўзбек футболида нима ёқади-ю, нима ёқмайди?
- Нима десам бўларкин-а? Жамоамизнинг, Терма жамоалар марказининг бошқарув услублари менга ёқмайди. Ёшларимиз кўрсатаётган натижалар эса кишини хурсанд қилади.

- Сайтдаги юзерлардан кимларни эътироф этасиз?
- Тўғрисини айтсам, "коммент"ларни кўп ҳам кузатмайман. Ўзим ҳам камдан-кам фикр қолдираман. "I Love Uzb" номли мухлис билан бир жойданмиз. Ўтган йил декабр ойида сайтингиз орқали ташкиллаштирилган футбол мусобақасига ҳам Гулистондан у билан бирга келганмиз.

- Сайтда яна нималар қилишимизни истаган бўлардингиз?
- Сайтдаги яхши лойиҳалар тўхтаб қолди. Шулардан "12 ой, 12 вилоят", "Кеча, бугун, эртага" лойиҳаларини давом этишини истайман. Умуман олиб айтганда эса, барчаси жойида. Сайт дизайни ҳам шу ҳолича қолишини хоҳлайман.

- FIFA.UZ лойиҳасида энг эсда қоларли ёки аламли тур қайси бўлган? Масалан, бирор футболчини сотиб юборганингиздан сўнг у голлар уришни бошлаган...
- Шунга ўхшаш ҳолатлар Пишур ва Сергеев билан бўлиб туради. Уларни жамоага сотиб олишим билан гол уришдан тўхташади, сотиб юборишим билан эса голлар уришни бошлашади.

Азиз Тўхтамуродов