RU

Последние новости

02:02Валижон Раҳимов: "Андижон" ўз ўйинини топиб олади"  2 01:50Жавоҳир Сиддиқов: "Насаф" доимий соврин ютмоқда, бу ҳам ёқимли ҳолат"  1 01:32Илҳом Абдуғаниев: "Биргина пенальти барчасини ҳал қилди"  0 01:10Максим Шацких: "Насаф"дан қўрққанимиз йўқ. Истасангиз мени Хави деб атанг, менга фарқи йўқ"  2 00:42Усмонали Исмоналиев: "Иккинчи бўлимда ҳакамлар қандай ишлаганини тушунмадик. Пенальти йўқ эди"  15 00:27Рўзиқул Бердиев: "Биз Суперкубок ва Кубокда хет-трик қилибмиз-ку. Роналду катта эҳтимол билан бизни сотиб олса керак, биз уни эмас"  2 00:14Расман: "Барселона" ва Ямал шартномани узайтирди  1 23:44Абдувоҳид Неъматов: "Кимдир имконият берганида балки, пенальтини тепган бўлардим"  1 23:30Ўзбекистон Суперкубоги. "Насаф" - "Андижон" 1:0  0 23:15Бектемир Абдуманнонов: "Омад биз томонда бўлмади"  7 22:55Шерзод Насруллаев: "Бу ҳали бошланиши, бундай ғалабалар кўпроқ бўлишига ҳаракат қиламиз"  12 22:24Ҳусайн Норчаев: "Совринни ота-онамга бағишлайман"  8 21:55Иско финал олдидан қандай фикрда?  0 21:38"Насаф" - 2025 йилги Ўзбекистон Суперкубоги соҳиби!  239 20:51Симоне Инзаги "Олтин тўп"ни ким олиши кераклигини айтди  10

"Насаф" - "Ал Жайиш" учрашувидан олдин Новости

"Насаф" - "Ал Жайиш" учрашувидан олдин

Эртага ОЧЛ 4-туридан ўрин олган "Насаф" - "Ал Жайиш" учрашуви бўлиб ўтади.

"Насаф"

"Аждарлар" ОЧЛ доирасида учинчи бор ушбу жамоага қарши майдонга тушишади.

Бунга қадар ўтган икки ўйинда "Ал Жайиш" ғолиб бўлган. 2014 йил плей-оффда Қатар клуби ўз уйида 5:1 ҳисобида ғалаба қозонган. Икки ҳафта олдин Дохада  ўтган учрашувда Сардор Рашидовнинг голи эвазига 3 очкога эга бўлганди.

"Насаф" 2012 йилдан буён илк бор Қатар клубини ўз майдонида қабул қилади. Ўша йил "Ал Райян" 1:0 ҳисобида ғалаба қозониб кетганди.



Бобир Абдихолиқов 2та гол уриб клубнинг ОЧЛдаги тўпурари бўлиб турибди.

Мақсуд Каримов, Азизжон Ғаниев, Дилшод Раҳматуллаев, Азамат Алланиёзов ва Шерзод Аъзамов ҳисобида биттадан огоҳлантириш бор. Навбатдаги сариқ карточка олишса бу футболчилар навбатдаги ўйинда иштирок эта олишмайди.


Ички чемпионат

"Насаф" ички чемпионатда 3-турни ўтказди. Қаршида "Обод"ни қабул қилган "аждарлар" Илҳом Шомуродовнинг голи эвазига ғолиб бўлишди - 1:0. "Насаф" 3та турдан сўнг юз фоизли натижа қайд этган тўрт клубдан бири бўлиб турибди.

Статистика

"Насаф" эртага Осиё чемпионлар лигасида 17-бор майдонга тушади. Жамоа бу мусоабақада 3 бор ғолиб бўлган ва 3 бор дуранг ўйнаган. 10 марта рақибга имконият бой берилган. 13та тўп киритилган ва 28та гол ўтказиб юборилган.

Ўз майдонида ўтган 7 учрашувнинг 2тасида муваффақият қозонган ва бир марта дуранг ўйнаган. 4 бор рақиблар Қаршидан 3 очко билан кетишган.




"Ал Жайиш"

Плей-офф босқичида "Нафт Теҳрон"ни мағлуб этган "Ал Жайиш"нинг ОЧЛдаги ғалабалари тўрттага етди. Рашидов жамоаси Жанубий Кореянинг "Сеул" клуби билан бирга учта турда 9 очко олди.

"Ал Жайиш" иккинчи бор Ўзбекистонга ташриф буюрди. 2014 йилги мавсумда "Бунёдкор" Тошкентда 2:1 ҳисобида таслим қилинганди.

Ёсир Иса, Халифа Абабакар, Али Санажд, Холид Абдулрауф ҳисобида биттадан сариқ карточка бор. Улар эртага огоҳлантириш олишса 5-турда майдонга туша олишмайди.

Ички чемпионат

"Ал Жайиш" ўтган ҳафта Қатар Юлдузлар лигасида "Қатар СК" билан ўйин ўтказиб 1:1 ҳисобида дуранг ўйнади. Мавсум тугашига 2 тур қолганида жамоа 2-ўриндаги "Ал Садд"дан бир очко ортда қолмоқда.  


Статистика

"Ал Жайиш" тўртинчи бор ОЧЛда қатнашмоқда. 2013 йил клуб 1/8 финалгача етиб борганди. 2014 йил гуруҳ босқичидан чиқа олмаган, ўтган йил гуруҳ босқичига чиқиш учун плей-оффда ютқазиб қўйганди.

Эртанги баҳса клуб учун Осиё чемпионлар лигасидаги 23-баҳс бўлади. "Ал Жайиш" 12 бор ғолиб бўлган ва 5 бор дуранг ўйнаган. Қолган 5 учрашувда рақиблар устун келишган. 38та гол урилган ва 23та гол ўтказиб юборилган.

Жамоа сафарда 10та ўйин ўтказиб 4 бор зафар қучган. Икки марта дуранг қайд этган. 4 марта клуб сафардан очкосиз уйига қайтган.

Эслатиб ўтамиз, "Насаф" - "Ал Жайиш" учрашуви 5 апрель куни соат 18:45да Қаршидаги "Марказий" стадионда бўлиб ўтади.

Рейтинг: +8   

Комментарии

championat.asia
< посмотреть последние новости
Яндекс.Метрика