Зидан кубокдаги муваффақиятсизлик ҳақида: "Ҳеч нарсани ўзгартиришимиз шарт эмас"
07 фев 2020 02:28
Новости

Зидан кубокдаги муваффақиятсизлик ҳақида: "Ҳеч нарсани ўзгартиришимиз шарт эмас"

Мадриднинг "Реал" клуби бош мураббийи Зинедин Зидан Испания кубоги чорак финалида "Сосьедад"га (3:4) учралган мағлубиятдан кейин ўз фикрлари билан ўртоқлашди.

"Бу футбол. Вақти-вақти билан ишлар ёмонлашади. Биз қийин ўйин ўтказдик, охиригача ҳаракат қилдик, вазиятларга муносабатимиз яхши эди. Ҳаттоки, 1:4 ҳисобида ютқазаётган бўлсак ҳам, ўзимизга ишондик.
Рақибни табриклаймиз. Мағлубиятни қабул қилишимиз керак. Биринчи бўлимда ҳимояда хатолар рўй берди. "Сосьедад" яхши ўйнади, биз қийинчиликларга учрадик.
Мен хафаман, ҳа, лекин бу энди ўтмиш. Якшанба куни "Осасуна" билан ўйинимиз бор, шу ҳақида ўйлаўимиз керак.
Бу менинг "Реал" мураббийлигида энг ёмон куним эмас. Ўз уйимизда 4 гол ўтказиб юборишимиз ёмон, аммо ҳеч нарсани ўзгартиришимиз шарт эмас. Ҳозирги ишимизни давом эттиришимиз лозим. Шубҳасиз, қийин рақиблар ва оғир ўйинлар ҳали олдинда. "Сосьедад" бугун ғалабага лойиқ эди", – деди Зидан.

Ссылка :

Источник : Marca

Получайте новости прямо в Telegram!

Рейтинг: +22