Жентиле: "Марадони каминани ва онамни ҳақорат қилган, аммо бу нарса мени янада руҳлантириб юборган"

Жамоалар турнирнинг иккинчи турида тўқнаш келишган ва италияликлар 2:1 ҳисобида ғалаба қозонишган. Ўша учршувда Жентиле Диего Марадонанинг "шахсий қўриқчиси"га айланган ва ўйин давомида бир неча марта қўполлик ишлатган. Кўпчиликнинг фикрича, ҳакам Жентилени майдондан четлатиши керак бўлган.

"Мен ўнг қанот ҳимояда ўйнардим, Марадона эса марказда. Аммо бош мураббий Энцо Беарзот мендан Диего Марадонага қарши ўйнай олишимни сўради. Бу борада муаммо йўқлигини айтдим, аммо кейинроқ афсусландим. Орқага йўл йўқ эди. Марадона каминани ва онамни ҳақорат қилди, умуман олганда у оғзига келганини гапирди. Аммо бу нарса мени янада руҳлантирди ва ўз вазифамни яхши бажараётганимни тушундим. Марадона ўз жамоасининг мағлубиятини олдини ола билмади. Ўйиндан сўнг Марадона айтганидек биз қўпол ўйнадик дея олмайман. Уларда ҳам Пассарелла, Тарантини, Гальего каби жуда қўпол ўйинчилар бор эди" - дейди Жентиле.