ЖЧ-2014нинг энг қўрқинчли 23 фотоси

Бугун эса ана шу жаҳон чемпионатидаги жароҳатлар билан боғлиқ 23 та энг қўрқинчли суратни эътиборингизга ҳавола этамиз.

1. Бастиан Швайнштайгер, Германия


Рио-де-Жанейродаги "Маракана" стадионида ўтказилган жаҳон чемпионати финалида Аргентина билан баҳсда Германиялик Бастиан Швайнштайгернинг юзидан қай тарзда қон оқаётганини кўриб турибсиз.

2. Дирк Куйт, Голландия


Жаҳон чемпионати бронза медали учун Бразилия ҳамда Голландия терма жамоалари ўртасида кечган ўйинда Дирк Куйт рақиб футболчиси билан тўқнашиб кетгандан сўнг унинг бошидан қон оқа бошлади.

3. Неймар, Бразилия


Бразилия ҳамда Колумбия терма жамоалари ўртасида кечган чорак финалдаги ўйинда Хуан Суниганинг қўпол ҳаракатидан сўнг Неймар жароҳат олди.

4. Неймар, Бразилия


У майдонни замблда тарк этди ва ўша заҳоти махаллий касалхонага жўнатилди. У ерда Неймарга умртқа поғонасининг синиши ташҳиси қўйилди.

5. Томас Мюллер, Германия


Гана билан ўйин пайтида Жон Бойе томонидан етказилган жароҳатдан сўнг германиялик футболчи Томас Мюллернинг боши қонга беланди ва кўзининг тепасидан бешта чок тушди.

6. Клинт Демпси, АҚШ


Воқеалар марказида яна ўша Ганалик Жон Бойе. Унинг навбатдаги қурбони АҚШ терма жамоаси юлдузи Клинт Демпси. Клинт рақибидан кучли зарба қабул қилиб олди.

7. Клинт Демпси, АҚШ


Демпсининг бурни синган эди, лекин у ўйинни давом эттирди. Учрашувдан сўнг у шундай деди: "Бурним синганлиги учун нафас олиш билан боғлиқ муаммолар бўлди. Озгина қон аралаш йўтал бўлди ва ўзимда чарчоқни ҳис қилдим. Умид қиламанки, мен яна бурним билан нафас олишни бошлайман. Келаси ўйинни интизорлик билан кутаман"

8. Стив фон Берген, Швейцария


Швейтцариялик Стив фон Бергенга гуруҳ баҳсларида Франция билан бўлиб ўтган ўйинда Оливье Жиру томонидан кичик жароҳат етказилди.

9. Мартинс Инди, Голландия


Голландиялик ҳимоячи Мартинс Инди Австралиялик Тим Кэхилл билан тўп учун ҳаводаги курашдан сўнг майдонга ноқулай йиқилди ва мияси чайқалди. Мартинс Инди тунни шифохонада ўтказди ва Чилига қарши кейинги ўйинни ўтказиб юборди. Бир неча кундан кейин эса яна машғулотларга қайтди.

10. Мартинс Инди, Голландия


Голландиялик Бруно Мартинс Инди гуруҳда Австралия билан ўйин вақтидаги курашдан сўнг даволанмоқда.

11. Кристиан Нобоа, Эквадор


Эквадорлик Кристиан Нобоа франциялик Блез Матюиди билан тўқнашувданг сўнг мия суягидан жароҳат олди.

12. Жози Алтидор, АҚШ


Шундоқ ҳам тиззасида муаммолар бўлган Жози Алтидор Ганага қарши ўйиннинг 20-дақиқасида жароҳат олди. Кейинчалик, унинг чап тиззаси текшириб кўрилганидан сўнг, Алтидор АҚШнинг кейинги иккита ўйинини ўтказиб юбориши маълум бўлди

13. Жози Алтидор, АҚШ


АҚШ аъзоси Жози Алтидор Гана билан ўйинда тиззасидан жароҳат олгач, майдонни замблда тарк этди.

14. Майкл Бабатунда, Нигерия


Тўпни қўл билан ўйнаш ҳар доим ҳам яхши оқибатларга олиб келмайди. Нигериялик Майкл Бабатунда Аргентина билан баҳсда жамоадоши Огени Оназининг рақиб дарвозаси томон йўллаган зарбасини беҳосдан қўли билан "қайтариб" юборади. Бу ҳолат унинг қўли синишига олиб келади.

15. Майкл Бабатунда, Нигерия


Нигериялик Майкл Бабатунда Аргентинага қарши гуруҳ ўйинида олган жароҳатидан кейин майдонни тарк этади. Учрашувдан сўнг, нигерияликлар бош мураббийи Бабатунда даволанишини, лекин унинг тўлиқ тикланиши учун камида 3 ҳафта вақт кераклигини айтади.

16. Софиан Фегули, Жазоир


Жазоир терма жамоаси аъзоси Софиан Фегули гуруҳ босқичида Россия билан ўйинда бошидан ёқимсиз жароҳат олди.

17. Жоржио Кьеллини, Италия


Ҳа, бу Луис Суареснинг тиш излари. Уругвай - Италия баҳсида Суарес Кьеллинини кутилмаганда тишлаб олди. Беллашувдан сўнг, ФИФА Суарес кейинги тўққизта ўйинни ўтказиб юборишини эълон қилди.

18. Пабло Сабалета, Аргентина


Мундиалнинг ярим финалида Голландия терма жамоасига қарши ўйинда Дирк Куйт билан тўқнашиб кетган аргентиналик Пабло Сабалета кичик жароҳат олди.

19. Пабло Сабалета, Аргентина


Пабло Сабалета Голландия билан ўйиннинг қўшимча бўлимларида жароҳат олгач, юзининг жароҳат олган қисмини бинт ва пластер билан "ёпиб" қўйишди.

20. Гари Левин, Англия (мураббий)


Эҳтимол, бу барча жаҳон чемпионатларидаги энг ғаройиб жароҳатдир. Англиялик мураббий Италия дарвозасига киритилган голни нишонлаш учун юқорига сакради ва сув тўла шиша идишнинг устига ноқулай тарзда тушди.

21. Алехандро Бедойя ва Жермейн Жонс, АҚШ


АҚШ терма жамоаси аъзолари Алехандро Бедойя ва Жермейн Жонс Германияга қарши кечган оғир ўйинда ўз кучларини бирлаштирмоқчи бўлишди.

22. Алехандро Бедойя ва Жермейн Жонс, АҚШ


Жамоадошларнинг тўқнашувидан кейин Жонснинг бурни синган бўлса, Бедойя бошидан жароҳат олди. Кейинроқ, Бедойя бу вазиятни изоҳлаб ўтди: "Бу жуда ҳам ғалати тўқнашув бўлди... Мен уни умуман кўрмадим... Менинг бошим унинг бурнига зарба берди".

23. Фабио Коэнтрау, Португалия


Португалиялик Фабиу Коэнтрау 16 июнь куни Германияга қарши ўйинда жароҳат олди ва унга "ўнг сондаги ҳаракатлантирувчи мушакнинг лат ейиши" ташҳиси қўйилди. Бу ўйин унинг ушбу ЖЧдаги сўнгги ўйини бўлиб қолди.


хориж сайтлари асосида Толибжон Қосимов тайёрлади