ЖЧ-2014. Коста Рика - Греция. ПРЕВЬЮ

Деярли ҳеч ким 1/8 финалда бундай жуфтликни кўраман деб ўйламаганди. Коста-Рика ва Греция гуруҳ босқичидан муваффақиятли ўтди. Костариканликлар жуда кучли рақиблар жойлашган гуруҳдан биринчи ўрин билан чиқди, Греция эса илк турда Колумбиядан учралган мағлубиятдан (0:3) сўнг ўзига кела олди.

Иккала жамоа ҳимояда яхши ўйнай олади. Грецияда 15 йилдан буён бундай ўйин услуби оддий ҳолдек қабул қилинади, Коста-Рика бу мусобақада фақат бир бор, пенальтидан гол ўтказиб юборди. Бундан ташқари рақиблар ушбу жамоа дарвозаси томон 7 марта зарба беришди холос. Ҳимояни яхши кўрадиган икки жамоа чорак финалга чиқиш учун кураш олиб боришади.



Коста Рика - Греция
30 июнь. 01:00
Бош ҳакам: Бенжамин Уильямс (Австралия)
Ёрдамчи ҳакамлар: Мэтью Крим (Австралия), Хоқон Аназ (Австралия)
Захира ҳаками: Наваф Шукралла (Баҳрайн).

Тахминий таркиблар:
Коста-Рика: Навас — Гамбоа, Дуарте, Гонсалес, Уманья, Диас — Боржес, Техеда — Руис, Боланьос — Кэмпбелл

Греция: Карнезис — Торосидис, Манолас, Папастатопулос, Холебас — Карагунис, Кацуранис, Маниатис — Салпингидис, Самарас, Христодулопулос

Жароҳат олганлар: Коне (Греция)

Дисквалификация қилинганлар: йўқ

Биттадан сариқ карточкаси борлар: Гонсалес, Куберо — Салпингидис, Самарас, Папастатопулос, Торосидис



Ўйиндан олдинги фикрлар

Хорхе Луис Пинто (Коста-Рика бош мураббийи):

"Бизнинг асосий қуролимиз кучли ҳимоявий тизимимиз. У фақат учта ёки тўртта футболчидан иборат эмас. Ҳимояда барча ўйнай олади, бундан ташқари ҳимояда тартибли ҳаракат қиламиз".

Фернанду Сантуш (Греция бош мураббийи):

"Кот Д'Ивуарга қарши ўйинда ҳам ҳимояланиб ҳам ҳужумга ўта олишимизни кўрсатиб бердик. Бир қатор вазиятлар яратдик, аммо охиригача ҳужум қилишда давом этдик".



Қизиқарли фактлар

- Бу икки жамоа бирон марта ҳам ўзаро ўйин ўтказишмаган.

- Коста-Рика ҳозирча мундиалда ўйиндан гол ўтказгани йўқ. Уругвайлик Кавани пенальтидан тўп киритди. Уругвай, Италия ва Англия терма жамоалари Коста-Рикага қарши ўйинларда жами 7 бор зарба беришди холос;

- Греция Жаҳон чемпионатларида 9та ўйинда фақат 2 марта ғалаба қозонган. Қизиғи иккала ғалаба Африка жамоалари устидан қўлга киритилган - Нигерия ва Кот Д'Ивуар;

- Греция халқаро мусобақаларда 7 бор зафар қучган. Улар ҳеч қачон рақиб устидан икки тўп фарқи билан юта олмаган: тўрт бор 1:0 ва уч бор 2:1 ҳисоби қайд этилган.


Нарзулла Сайдуллаев тайёрлади.