ЖЧ-2014 иштирокчилари - Мексика

Биринчи бўлиб жаҳон чемпионатининг "А" гуруҳидан ўрин олган Мексика терма жамоаси ҳақида сўз юритамиз.

Мексика терма жамоаси шу кунгача ўтказилган 19 чемпионатдан 14 тасида қатнашишган. Ушбу ўлка вакилларининг энг яхши натижалари эса 1970 ҳамда 1986 йилларда бўлган. Улар шу иккита мундиалда чорак финалгача етиб боришган. 

Бу терма жамоа анча бой тажриба эга ҳисобланишади. Мексика терма жамоаси Конкакаф минтақаси саралаш босқичида иштирок этди. Мексика бу саралаш босқичида тўртинчи ўринни эгаллади. Кейин эса плей-оффда Янги Зеландияни мағлуб этди ва Бразилияда бўладиган мундиал чиптасини қўлга киритди.

Мексика таркибидаги бир қатор кучли ва юлдуз футболчилар ҳаракат қилишади. Булар жамоа сардори Рафаэль Маркес, ишончли посбон Гильермо Очоа, Пауль Агильяр, Карлос Сальсидо, Андрес Гуардадо, Карлос Пенья, Эктор Эррера, Хавьер Эрнундез ва Жованни дос Сантос. 

Мексика терма жамоасини мексикалик мураббий Мигель Эррера бошқариб боради. Мундиалга иштирок этадиган таркиб ичидан энг кўп майдонга тушган футболчи бу Карлос Сальсидо ҳисобланади. У терма жамоа либосида 119 ўйин ўтказган. Шунингдек, жамоа сардои Рафаэль Маркез эса ундан битта кам 118 учрашувда терма жамоа либосини кийган.

Бразилияга борадиган таркиб ичидан энг кўп гол урган футболчи бу "Манчестер Юнайтед" ҳужумчиси Хавьер Эрнандез ҳисобланади. Эрнандез Мексика терма жамоаси сафида 35 бора рақиб посбонларини ранжтишга эришган.

Мексиканинг ажабтовур ишқибозлари

Мексика мухлис ва мухлисалари жамоасини шундай қўллаб-қувватлашади

Мексика гўзали ҳам ўз жамоаси ўйинига бефарқ эмас

Мексика термаси ўрин олган гуруҳда мундиал мезбони ва ғолибликка асосий даъвогар саналаётган Бразилия, Камерун ва Хорватия жамоалари ўрин олишган. Ушбу жамоалар ўртасида плей-оффга йўлланма берадиган дастлабки икки ўрин учун қизиқарли ва кескин кураш кечиши табиий.


Мексика терма жамоаси ҳақида:

Бош мураббий: Мигель Эррера (Мексика)

Жамоа сардори: Рафаэль Маркез ("Леон")

Терма жамоа таркибида энг кўп ўйнаган футболчи: Клаудио Суарез (178 ўйин)

Терма жамоа тўпурари: Харед Борхетти (46та гол)

Илк расмий ўйини: Гватемала - Мексика 2:3

Энг йирик ғалабаси: Мексика - Багама 13:0

Энг йирик мағлубият: Англия - Мексика 8:0

Эришган ютуқлари:

Конкакаф ғолиби: (9-марта: 1965, 1971, 1977, 1993, 1996, 1998, 2003, 2009, 2011)

Конфедерациялар кубоги соҳиби: 1999

Олимпияда ғолиби: 2012

ФИФА рейтингидаги ўрни: (19 ўрин, Апрель ойи ҳолати бўйича)

Мексика терма жамоасининг мундиалда иштирок этадиган якуний таркиби:

Дарвозабонлар: Гильермо Очоа («Аяччо», Франция), Альфредо Талавера («Толука»), Хесус Корона («Крус Асуль»).

Ҳимоячилар: Пауль Агиляр, Мигель Лайюн, Франсиско Родригес («Америка»), Диего Рейес («Порту», Португалия), Рафаэль Маркес («Леон»), Эктор Морено («Эспаньол», Испания), Карлос Сальсидо («Тигрес»), Андрес Гуардадо («Байер», Германия).

Ярим ҳимоячилар: Хуан Карлос Медина («Америка»), Исаак Брисуэлья («Атлас»), Хосе Хуан Васкес, Луис Монтес, Карлос Пенья («Леон»), Марко Фабиан («Крус Асуль»), Эктор Эррера («Порту», Португалия).

Ҳужумчилар: Рауль Хеменес («Америка»), Алан Пулидо («Тигрес»), Хавьер Эрнандес («Манчестер Юнайтед», Англия), Жовани дос Сантос («Вильярреал», Испания), Орибе Перальта («Сантос Лагуна»).

Шаҳбоз Беғамов