Жаъфар Ирисметов "НБУ-Осиё" билан хайрлашди
31 мая 2014 14:44
Новости

Жаъфар Ирисметов "НБУ-Осиё" билан хайрлашди

Жорий мавсум бош мураббий сифатида мустақил иш бошлаган Жаъфар Ирисметов биринчи лига иштирокчиси "НБУ-Осиё"ни бошқариб келаётганди.

Таркибни тажрибали ўйинчилар билан бойитган ҳолда, курашчан жамоа шакллантирган мураббий яқинда "банкирлар" билан хайрлашишга қарор қилди.

Айтишларича биринчи босқичнинг 11-туридан ўрин олган "Оқ-тепа" - "НБУ-Осиё" (0:3) баҳсидан сўнг Ирисметов клуб раҳбариятини кетиш ҳақида огоҳлантирган ва томонлар ўзаро келишувга кўра дўстона хайрлашишга қарор қилган.

Лекин Жаъфар Ирисметовнинг айнан нима сабабдан ишдан кетгани ҳозирча номаълум.

Бугун "банкирлар"ни "Оқ-тепа"га қарши учрашувга Александр Хвостунов олиб тушади. Тажрибали ҳимоячи афтидан бошқарув постига ўтадиган кўринади.

Ссылка :

Источник : championat.asia

Получайте новости прямо в Telegram!

Рейтинг: