КЖЧ. "Ювентус" "Видад"ни йирик ҳисобда мағлуб этди, Йилдиздан дубль
22 июн 23:03
Новости

КЖЧ. "Ювентус" "Видад"ни йирик ҳисобда мағлуб этди, Йилдиздан дубль

Клублар ўртасидаги жаҳон чемпионати "G" гуруҳи 2-туридан ўрин олган Туриннинг "Ювентус" ҳамда Марокашнинг "Видад" жамоалари ўртасидаги ўйин якунланди.

Жамоалар Филадельфиядаги (Пенсильвания, АҚШ) "Линкольн Файненшейл Филд" стадионида ўйнашди. Унда "Ювентус" 4:1 ҳисобида ғалаба қозонди.

Ўйиннинг 6-дақиқасида "Видад" ҳимоячиси Абдулмунаим Бутуй ўз дарвозасини ишғол қилиб, ҳисобни очди. 16-дақиқада ярим ҳимоячи Кенан Йилдиз Андреа Камбьязонинг узатмасидан сўнг туринликларнинг иккинчи голига муаллифлик қилди. Учрашувнинг 25-дақиқасида Тембинкоси Лорч марокашликлар учун ҳисобни қисқартирди. 69-дақиқада Йилдиз дублни расмийлаштирди. 90+4-дақиқада Душан Влахович пенальтини аниқ амалга ошириб, ўйиндаги якуний ҳисобни ўрнатди - 4:1.

Открыть в Матч-Центре