"Ювентус" собиқ футболчисига 6 ойлик шартли қамоқ жазоси берилди
13 фев 22:44
Новости

"Ювентус" собиқ футболчисига 6 ойлик шартли қамоқ жазоси берилди

Даниэле Ругани маст ҳолда машина ҳайдагани учун шартли қамоқ жазосига ҳукм қилинди.

Бугун Туринда 2023 йилнинг 21 июль кунида бўлган воқелик борасида суд ишлари бўлиб ўтди. Ўшанда "Ювентус"да ўйнаб турган футболчи алькогол қабул қилган ҳолатда рулда бўлган ва бошқарувни йўқотиб, қарама-қарши томонга ўтиб кетган. Лекин у бошқа автоуловларга зарар етказмаган.

Воқеа жойига етиб борган маҳаллий полиция аъзолари футболчини алькотестердан ўтказган ва унда нормасидан 3 баравар кўп алкоголь аниқланган. Руганига 6 ойлик шартли қамоқ жазоси берилди ва ҳайдовчилик гувоҳномаси олиб қўйилди. Шунингдек, 2 минг евро жаримага тортилди. Шунингдек, унинг "Maserati Levante Trofeo" машинаси мусодара қилинди. Италиялик футболчи аппеляция бермоқчи.

Даниэле Ругани ушбу мавсумни "Аякс"да ижара асосида ўйнамоқда.

Ссылка :

Источник : Torino Today

Получайте новости прямо в Telegram!

Рейтинг: +1