"Ювентус" — "Реал". Превью

Бу ўйинда Италия чемпиони аутсайдер деб ҳисобланиши мумкин, лекин туринликлар осонгина мағлуб бўлишмайди.

"Ювентус" 10 йилдан ортиқ вақт давомида ЕЧЛ ярим финалига чиқмаганди. Бироқ Массимилиано Аллегри шогирдлари рақиб амалдаги чемпион бўлса ҳам бу босқичда тўхтаб қолишмоқчи эмас. Бу босқичда ҳар бир жамоа кубокни қўлга киритса қай тарзда уни кўтариши ҳақида ўйлай бошлайди.

"Ювентус" - "Реал"
Сешанба, Турин, "Ювентус" стадиони, 23:45,
Бош ҳакам: Мартин Аткинсон (Англия).

Ювентус (тахминий таркиблар): Буффон — Лихтштайнер, Бонуччи, Кьеллини, Эвра — Маркизио, Пирло, Видаль — Перейра — Мората, Тевес

Реал (тахминий таркиблар): Касильяс — Кархаваль, Варан, Пепе, Марсело — Родригес, Серхио Рамос, Кроос, Иско — Бэйл, Роналду

Травмированные: Погба, Асамоа, Касерес, Марроне, Ромуло — Модрич, Бензема

Дисквалификация қилинганлар: йўқ


Фикрлар

Массимилиано Аллегри, "Ювентус" бош мураббийи:

"Ювентус" – "Реал" ва "Реал" – "Ювентус" – учрашувларида 0:0 ҳисоби қайд этилади деб ўйламайман, шу боис ҳужумда яхшироқ ўйнашимиз керак. Улар – Европа чемпионлари, шу сабабли ҳам рақиб фаворит ҳисобланади".

Карло Анчелотти, "Реал" бош мураббийи:

"Агар "Ювентус" ярим финалга қадар етиб келган экан, демак бунга ҳақли. Бу ерда фаворитлар йўқ. Мусобақада тўртта жамоа қолди, "Юве"да ҳам имкон бор. Аллегри жуда ҳам яхши жамоа тузди".

Пепе, "Реал" ҳимоячиси:

"Бизда ҳеч қандай босим йўқ. Қийин бўлишини биламиз. Аммо ярим финалда ҳеч ким фаворит ҳисобланмайди. Карло Анчелотти — қўл остида ҳар куни кучли бўлиб бораяпмиз".