"Ювентус" "Лион" тўсиғидан ўта олишига 5 сабаб

Криштиану Роналду. Ушбу мавсумда 35 та гол ва 7 та ассист қайд этди, шундай бўлса-да, унда серияни давом эттириш истаги кучли. Бундан ташқари, Чемпионлар Лигаси - "Роналду номидаги" турнир эканлигини унутмаслик лозим, айниқса, у бир вақтнинг ўзида Иммобилега иккита "Олтин бутса"ни бой берганидан кейин.

"Юве" французларга қараганда яхшироқ жисмоний ҳолатга эга. Туринликлар танаффусдан кейин 12 ўйин ўйнади,  "Лион"да эса бундай иконият мавжуд эмасди, чунки Лига 1 муддатидан олдин тугатилганди.

"Рома"га қарши ўйинни ҳисобга олмаганда, "Альянц Стэдиум" бу мавсумда "Юве" учун мустаҳкам пойдевор бўлиб келмоқда. Чемпионлар Лигаси доирасидаги ўйинда Турин клубини мағлуб этган охирги жамоа "Манчестер Юнайтед" эди, бунга ҳам 2 йил бўлди.

Сарри омили: У ўтган йили Европа Лигасида ғолиб чиқди ва А Серияни ютганидан сўнг, ўзидаги босимни йўқотди, у энди нуфузли кубокни ютиши мумкин.

"Лион" жамоаси. Кўплаб ёшларга эга, аммо тажрибали футболчилари кам, бу эса бундай даражадаги ўйинда ҳал қилувчи омил ҳисобланади, чунки фақат Депай "бьянконерилар" даражасида. 

Эслатиб ўтамиз, "Ювентус" - "Лион" баҳси 7 август куни Тошкент вақти билан 23:59да бошланади.