«Ювентус» кетма-кет 14та ўйинда ютиб клуб рекордини такрорлади

«Фрозиноне» устидан қозонилган ғалаба «кекса синьора» учун кетма-кет 14-ғалаба бўлди. «Ювентус» сўнгги бор 28 октябрь куни очко йўқотганди. Ўшанда Массимилиано Аллегри жамоаси «Сассуоло»га ютқазиб қўйганди (0:1).

Шундан сўнг «Ювентус» «Торино» (2:1), «Эмполи» (3:1), «Милан» (1:0), «Палермо» (3:0), «Лацио» (2:0), «Фиорентина» (3:1), «Карпи» (3:2), «Верона» (3:0), «Сампдория» (2:1), «Удинезе» (4:0), «Рома» (1:0), «Кьево» (4:0), «Женоа» (1:0) ва «Фрозиноне» (2:0) таслим этилди. Кейинги турда Аллегри «Наполи» билан тўқнаш келади. Бу жамоа эса охирги 8та ўйинда ғалабага эришган.

«Ювентус» 14та ғалаба билан ўз шахсий рекордини такрорлади. Италияда бу борада мутлоқ рекордчи «Интер» ҳисобланади. 2006/07 йилги мавсумда Милан шаҳри жамоаси кетма-кет 17та учрашувда зафар қучганди.