"Ювентус" Депай ва Паредесни сотиб олмоқчи, муқобил вариантлар – Милик ва Фраттези

Турин клуби "Айнтрахт" ярим ҳимоячиси Филип Костич сотиб олиниб, Адриен Рабьо "Манчестер Юнайтед"га сотилганидан сўнг хавбек ва форвард билан шартнома имзоламоқчи.

Ҳужум бўйича "Юве"нинг асосий мақсади – "Барселона" ҳужумчиси Мемфис Депай. Италияликлар Нидерландия терма жамоаси футболчисига икки йиллик битим таклиф қилишга тайёр.

"Ювентус" майдон марказини кучайтириш учун ПСЖ футболчиси Леандро Паредесни танлади. 

Инсайдер Жанлука Ди Марционинг сўзларига кўра, Депайнинг муқобили "Марсель" аъзоси Аркадиуш Милик, Паредесники эса "Сассуоло" футболчиси Давиде Фраттези.