Юрий Лукин: "Ўйин яхши бўлди, натижа хафа қилди"
15 авг 2014 22:23
Новости

Юрий Лукин: "Ўйин яхши бўлди, натижа хафа қилди"

"Қизилқум" - "Пахтакор" (1:4) учрашувидан сўнг ташкил этилган матбуот анжуманининг иккинчи қисмида майдон эгалари устози Юрий Лукин иштирок этди.

"Бугунги баҳс қизиқарли ва шиддатли тарзда кечди. Аммо натижага қараб бундай деб бўлмайди. Тезкор гол бизга акс таъсир қилди. Йигитларим охиригача курашишди, бироқ рақибнинг класси биздан устунлигини кўрсатди. "Пахтакор" беъжизга пешқадамлар сафида бормаяпти. Уларнинг таркибида бир неча йиллардан буён олий лигада ўйнаб келаётган қобилиятли ёшлар бор", - деб гап бошлади Лукин.

- Жароҳат олган дарвозабон Эркин Жабборов қачон сафга қайтади?
- У тахминан сентябрь ойи охирларида майдонга тушишга тайёр бўлса керак.

- Навбатдаги турда "Нефтчи" билан ўйнайсизлар. Бугун Фарғона клуби ғалаба қозонди...
- Кучли рақиб. Ёзда ушбу жамоага янги футболчилар келди. Муҳит анча яхшилангани билиниб турибди. Фарғоналиклар сўнгги йилларда бизга анчайин ноқулай рақиб бўлишмоқда.

Ссылка :

Источник : championat.asia

Получайте новости прямо в Telegram!

Рейтинг: