"Йилнинг энг яхши футболчиси-2019". Шомуродовга овоз берамиз!

Эслатиб ўтамиз, бу мукофот тўрт йилдан бери ўтказиб келинмоқда. Булар эса аввалги ғолиблар:

2016 - Фёдор Смолов

2017 - Квинси Промес

2018 - Артём Дзюба

Бу ерда футболчининг 2019 йилги бутун тақвими ҳисобга олинади. Овоз РПЛдаги барча футболчиларга (россиялик ёки легионерлар, муҳим эмас), шунингдек Европада ўйнаётган россиялик легионерларга берилади.

Йилнинг энг яхши футболчисини аниқлашда 4 тоифали иштирокчилар қатнашади:

- 16та нуфузли мураббий

- Россия футболининг 16 нафар топ-мураббийлари

- 16 нафар "СЭ" журналистлари

- сайтдаги мухлислар

25 нафар номзоддан бирига овоз берилади. Шунингдек, 25таликка кирмаган бошқа одамга овоз бериш учун "бошқа кимдир" варианти ҳам бор ва у ерда шарҳлар қолдириш мумкин. Овоз бериш мавсумнинг ҳозирги қисмининг охирига қадар давом этади ва ғолиб 2020 йил бошида тақдирланади.

Эътиборлиси, 25талик рўйхатга "Ростов" ва Ўзбекистон миллий терма жамоаси ҳужумчиси Элдор Шомуродов ҳам киритилган. РПЛ тўпурарларидан бирига айланган футболчимиз ушбу йилда ажойиб натижалар қайд этди. Келинг, Элдор Шомуродовга овоз берамиз!

ОВОЗ БЕРИШ