"Яраланган қуш". Ҳаваскорларга мағлуб бўлган "Аякс" мухлисларга пулларини қайтариб беради

"Яраланган қуш" мисоли ҳамон парвоз қилаётган "Аякс" мавсумни яхши бошлай олмаганди. Эредивизиядаги дастлабки 6 ўйиннинг 5тасида мағлуб бўлган амстердамликлар сўнгги ўрингача тушиб кетганди. Бироқ кейинчалик ўзига келган кетма-кет 5 ғалабага эришиб, турнир жадвалида 5-ўрингача кўтарилиб олганди.

Бироқ "Аякс" Нидерландия Кубоги 2-босқичида мамлакатнинг учинчи дивизиони вакили, ҳаваскорлардан ташкил топган "Херкулес" жамоасига мағлуб бўлди. Клуб  ушбу учрашувда жамоани қўллаб-қувватлаш учун борган барча мухлисларнинг йўл ҳаражатлари пулларини қайтариб беришини маълум қилди.