Япония янги бош мураббийни таништирди
27 июл 2018 12:50
Новости

Япония янги бош мураббийни таништирди

Хабарингиз бор, куни кеча Япония терма жамоасини янги мураббий қабул қилиб олди.

Эндиликда бу жамоани 49 ёшли Хажиме Мориясу бошқаради. Маълумки, японлар ЖЧ-2018да Осиё жамоалари орасида энг яхши натижани қайд этишди. Энлиликда бу жамоа келажакка умид билан боқмоқда.

Мориясу терма жамоани аввалги мураббий Акира Нишинодан қабул қилиб олди. Нишино бошчилигидаги "самурайлар" жаҳон чемпионатида муваффақиятли иштирок этиб, гуруҳдан чиқишга муваффақ бўлди. Хажиме Мориясу бир пайтнинг ўзида Япония U-21 терма жамоасини ҳам бошқаради. Бу жамоа Олимпиада ўйинлари-2020 мусобақасида иштирок этади.

Япония футбол федерацияси янги мураббий иштирокида матбуот анжумани ташкил этди. Хажиме Мориясу журналистларнинг саволларига жавоб берар экан шундай деди: "Терма жамоа жаҳон чемпионатида яхши иштирок этди. Энди Осиё Кубогида ҳам ўзимизни кўрсатишимиз керак. Унгача эса жамоада бир қанча ўзгаришлар бўлади. Авлодлар алмашинуви амалга оширилади. Ёши катталар ўрнини ёшлар эгаллайди. Биз турли авлод вакилларидан битта яхлит жамоа тузишга ҳаракат қиламиз".

Мориясу мураббийлик фаолияти давомида "Санфречче Хиросима" клубини 2012, 2013, 2015 йилларда уч марта чемпионликка бошлаб келган. У билан тўрт йиллик шартнома имзоланди ҳамда биринчи мусобақаси Осиё Кубоги-2019 бўлади. Ушбу турнирда японлар "F" гуруҳида Ўзбекистон, Туркманистон ва Уммонга қарши баҳс олиб боришади.

Ссылка :

Источник : the-afc.com

Получайте новости прямо в Telegram!

Рейтинг: +8