"Янгиер-Қурувчи" клубининг трансферлари ва назорат ўйинлари ҳақида

Январь ойида бош мураббий Бекзод Қодирқулов бошчилигида машғулотларга қўшилган жамоа чемпионат стартига қадар бир нечта назорат беллашувларида майдонга тушди. Аввалги йилларга нисбатан жорий йилда Қодирқуловга бир нечта ёрдамчилар таклиф қилинди. Хусусан, Жаҳонгир Абдурашитов ва Муҳаммад Файзуллаев мураббийлар штабидан ўрин олди. Илҳом Жуманов эса дарвозабонлар мураббийи сифатида иш бошлади. 

Январь ва февраль ойларида жамоа бир қатор назорат беллашувларида иштирок этди. Асосан, Суперлига иштирокчилари – “Пахтакор”, “Локомотив”, “Металлург” ва “Сурхон”га қарши ўйнади. 

Натижалар қуйидагича: 

“Янгиер-Қурувчи” – “Зомин” – 1:0

“Янгиер-Қурувчи” – “Пахтакор” – 0:2

“Янгиер-Қурувчи” – “Металлург” – 1:3

“Янгиер-Қурувчи” – “Локомотив” – 0:2

“Янгиер-Қурувчи” – “Ғиждувон” – 1:1

“Янгиер-Қурувчи” – “Сурхон”  - 1:2

“Янгиер-Қурувчи” – “Ясси Туркистон”  - 0:0 

Таркибда ҳам катта ўзгаришлар амалга оширилди. Ўтган мавсумдаги таркиб аъзоларининг аксарият қисми билан дўстона хайрлашди. Кетганларнинг ўрнига муносиблари таклиф қилинди. 

Суперлигада жавлон уриб ўйнаган Суҳроб Бердиев, Абдуқаххор Хожиакбаров, Қаҳрамон Баҳодиров, Асилбек Бегимқулов ва бошқа футболчилар билан шартнома имзоланди. 

Жамоага янги келиб қўшилганлар: 

Акром Хўжаев (“Сурхон”)

Қахрамон Боходиров – (“Машъал”)

Сирож Мелиев – (“Динамо”) 

Тимур Усманов – (“Динамо”)

Асилжон Бегимқулов – (“Сўғдиёна”)

Шоҳруҳ Холматов – (“Бухоро”)

Элёр Мамасолиев – (“Хоразм”) 

Саид Абдужабборов – (“Цементчи”) 

Бунёд Шодиев – (“Кўктош”, Тожикистон)  

Муҳиддин Одилов – (“Кўктош”, Тожикистон)

Муҳриддин Расулов – (“Машъал”)

Суҳроб Бердиев (“Қўқон-1912”)

Абдуқаххор Хожиакбаров (“Турон”)

Аҳрор Умаржонов (“Қизилқум”)

Жаҳонгир Абдусаломов (“Бунёдкор”)

Шартномасини узайтирганлар: 

Сарвар Хусанов 

Бекзод Толибжонов 

Бунёд Абдуманнонов 

Ойбек Аҳматов 

Нодир Йўлдошев.

Шу билан бирга, бир қатор футболчилар билан хайрлашилди: Абдумалик Тошпўлатов, Дилшод Хушвақтов, Хуршидбек Асқаралиев, Муҳаммадқодир Рахимберганов, Достон Мелиқўзиев ва бошқалар.

Эслатиб ўтамиз, “Янгиер-Қурувчи” мавсумнинг дастлабки учрашувини 5 март куни ўз майдонида “Ғиждувон”га қарши ўтказади.