Яна икки кундан кейин бошланадиган К-лига ҳақида нималарни биламиз?

Афтидан у ерда коронавирус билан боғлиқ вазият анча юмшаган кўринади. Шу боис футбол раҳбарлари К-лига баҳсларини бошлашга рухсат беришди. Шу ўринда Жанубий Корея футболи ҳақида баъзи маълумотларни савол-жавоб шаклида келтириб ўтамиз. 

Савол: К-лиганинг амалдаги ғолиби ким?

Жавоб: "Чонбук Моторс". Бу жамоа ўтган йил ўз тарихида еттинчи бор мамлакат чемпиони бўлди. 

Савол: 2019 йил якунларига кўра, К-лигада ким энг яхши футболчи деб топилди?

Жавоб: Чемпионатда 13та гол урган ва бир нечта голли тўп узатган "Ульсан Хюндай" футболчиси Ким Бо Кюнг ўтган йилнинг энг яхшиси деб топилди. 

Савол: Бу қайси жамоанинг стадиони?

Жавоб: Бу "Иньчон Юнайтед" клубининг уй стадиони бўлиб, 2012 йил май ойида фойдаланишга топширилган. Стадион ўз бағрига 20,891 мухлисни сиғдира олади. 

Савол: К-лига тарихидаги энг яхши тўпурар ким?

Жавоб: Ли Донг Гук. 41 ёшли футболчи фаолияти мобайнида К-лигада 224та гол урган. 

Савол: К-лига тарихидаги энг яхши хорижлик тўпурар ким?

Жавоб: Черногориялик ҳужумчи Деян Дамьянович. 38 ёшли Дамьянович ҳисобида ҳозирча 189та гол бор. Бу футболчи "Тэгу" шарафини ҳимоя қилмоқда. 

Савол: Корея профессионал лигаси қачон ташкил топган?

Жавоб: Корея профессионал лигаси 1983 йилда ташкил топган бўлиб, 1998 йилдан бери К-лига деб юритилади. 

Савол: К-лига ташкил топишида қайси клублар асосий ролни ўйнаган?

Жавоб: "Жежу Юнайтед", "Поханг Стилерс" ва "Пусан Ипарк" клублари асосий ролни бажарган.