Хуршид Ғиёсов Шомуродовни ортда қолдирди ва Жепаровга етиб олди
31 авг 2020 16:10
Новости

Хуршид Ғиёсов Шомуродовни ортда қолдирди ва Жепаровга етиб олди

"Бунёдкор" клуби Суперлиганинг 13-турида "Қизилқум" билан 1:1 ҳисобида дуранг ўйнади.

Ушбу ўйинда "қалдирғочлар" сафида ягона голни Хуршид Ғиёсов пенальтидан урди. Шундай қилиб Ғиёсовнинг Ўзбекистон чемпионатида "Бунёдкор" сафида урган голлари сони 19тага етди. Бу борада футболчи Элдор Шомуродовни (18та гол) ортда қолдирди ва 9-ўриндаги чилилик ҳужумчи Хосе Луис Вильянуэвага етиб олди (19та гол). Маълумот учун, "Бунёдкор" сафида Ўзбекистон чемпионатида энг кўп голни Анвар Солиев урган - 46та.

Бундан ташқари Ғиёсов "Бунёдкор" сафида 8-марта пенальтидан гол урди. Бу борада ярим ҳимоячи клубнинг собиқ аъзоси Сервер Жепаровга етиб олди. Ғиёсов яна бир бор пенальтини аниқ амалга оширса Ўзбекистон чемпионатида "Бунёдкор" таркибида пенальтидан энг кўп гол урган футболчига айланади.