Хуршид Ғиёсов: “Миржалол Қосимовни қаттиққўл мураббий деб ҳисоблайман“

Ҳар икки голга жамоанинг янги футболчиси Хуршид Ғиёсов муаллифлик қилди. Ўйиндан сўнг футболчи «Championat.asia» сайтига ўйин ҳақида қисқача интервью берди.

«Авваламбор, ассалому алайкум барча championat.asia ўқувчиларига. Ҳозирги пайтда янги мавсумга тайёргарлик давом этмоқда. Кунига икки маҳалдан машғулотлар олиб борилмоқда. Ҳар доим бундай ўйинлар қийин бўлади. Ўйин яхши бўлди деб ўйлайман ва бугун 2-0 ҳисобида ғалаба қозондик», - деди Хуршид Ғиёсов.

Бугунги ўйинда сиз иккита голга муаллифлик қилдингиз. Иккинчи голни эса бурчак зарбасидан тўғри дарвозани ишғол қилдингиз.

- Голларим жамоанинг голлари деб ҳисоблайман. Охирги вазиятда оёғимни тўпга қўйдим ва гол урдим. Бу голлар жамоавий деб атасак бўлади.

Жамоага қўшилиб кетиш қийинчилик туғдирмадими?

- Йўқ асло! Жамоага киришиб кетишим жуда яхши бўлди. Бу ердагиларни кўпини танийман. Улар яхши қабул қилишди, ички муҳит ажойиб.

Биз Миржалол Қосимовни қаттиққўл мураббий деб биламиз. Бу ўйинчиларга қулайлик туғдирадими ёки йўқ?

- Миржалол Қосимовни қаттиққўл мураббий деб ҳисоблайман. Бу жуда яхши деб ўйлайман. Менимча, бу бизга умуман ноқулайлик туғдирмайди.