Хосе Мария Мендез: "Саудия Арабистони ҳақида маълумотлар етарли"

-  Бугунги ўйин ҳақида фикрларингиз.
-  Учрашув жуда ҳам яхши ўтди, бундай ўйинларни кўпроқ ўйнашимиз керак чунки футзалчиларимизда ўзига ишон бўлиши учун шундай баҳслар керак. Шогирдларим бугун ўз ўйинини кўрсатди.

-  Машғулотлар жараёнида нималарга кўпроқ эътибор қаратяпсизлар?
-  Ҳозирги машғулотларда асосан қолиб кетган нарсалар устида ишлаяпмиз, мисол учун стандарт вазиятлар, ҳимоядаги ва ҳужумлардаги камчиликлар устида. Мусобақа бошланишига 10 кун қолди, ҳозир айнан шулар устида ишлаяпмиз.

-  Саудия Арабистони терма жамоаси ҳақида қандай маълумотга эгасиз?
-  Саудия Арабистонининг Малайзияда ўтказган учта ўйини ёзилган дисклари бор, уларни ўрганиб чиқяпмиз. Менимча уларнинг футзалчилари ҳам, мураббий ҳам ўзгармаган, 4 ой олдин қай даражада ўйнаган бўлса ҳозир ҳам уларнинг ўйин услуби ўзгармаган бўлиши керак. Айни дамда улар ўртоқлик ўйини ўтказаётган бўлса керак.
 
-  Нима учун мусобақа бошланишига оз қолганида Иордания терма жамоаси билан ўртоқлик учрашуви режалаштирилган?
-  Сабаби Саудия Арабистонинг ўйин услуби Иордания терма жамоасининг ўйин услубига ўхшайди. Шунинг учун мана шу ўртоқлик ўйини режалаштирилган. Буни анча олдин режалаштириб қўйгандик.

Жаҳонгир Сотволдиев суҳбатлашди.