Хосе Мария Мендез: "Мақсадимиз ёш футзалчиларни топиб уларга ёрдам бериш"
15 апр 2015 13:34
Новости

Хосе Мария Мендез: "Мақсадимиз ёш футзалчиларни топиб уларга ёрдам бериш"

Испаниялик Хосе Мария Мендез март ойида Ўзбекистон футзал терма жамоасига бош мураббий этиб тайинланган эди.

Кеча чемпионат чорак финал ўйинларидан сўнг биз мураббийнинг фикрлари билан қизиқдик.

- Бугунги ўйинлардан сўнг терма жамоага янги номзодларни кўрдингизми?
- Албатта, янги футболчиларни кўрдим. Барчасини яхшилаб кузатиб борамиз ва чемпионат тугагач уларни терма жамоа йиғинида синовдан ўтказамиз.

- Терма жамоа қачон йиғилади?
- Чемпионат тугаганидан сўнг бир ҳафта дам берилади. Ҳозирча аниқ саналар йўқ. Барчаси шу кунларда маълум бўлади.

- Айни пайтда "Ардус" клубида маслаҳатчи мураббий сифатида ишлаяпсиз. Сизнинг вазифангиз нимадан иборат?
- Асосий терманинг машғулотлари чемпионат тугаганидан сўнг бошланади. 3 ой вақт бор. Шу боис ҳозир ўйинларни кузатаяпман. Мақсадим "Ардус"нинг ёш футболчиларни кузатиш ва уларни топиб ёрдам бериш. Кейинги ойда Тошкентдан ташқарида ёш ва янги футзалчилар билан йиғин ўтказишни режалаштирганмиз. Ўзбекистон U20 жамоасига номзодларни саралаб олиш ишлари ҳам олиб борилмоқда.

Толибжон Қосимов суҳбатлашди

Ссылка :

Источник : championat.asia

Получайте новости прямо в Telegram!

Рейтинг: