Хорхе Да Сильва: "Кучли рақибни мағлуб этдик"

Унга ўйиннинг энг яхши футболчиси деб топилган дарвозабон Абдуллоҳ Ал Энази ҳамроҳлик қилди.

"Қийин ўйин бўлди. Жуда кучли рақибга қарши ўйнаб ғалаба қозондик. Уч очко олганимиздан хурсандман", - дейди Да Сильва.

- Араб футболи деган тушунча бор. Жамоаингиз шусиз ҳам яхши ўйнаётганди. Бугун бир неча марта бунга гувоҳи бўлдик. Легионерларингиз бундан мустасно.
-  Қайтараман, кучли рақибга қарши ўйнадик. Гол урганимиздан сўнг ҳисобни сақлаб қолишга уриндик. 

- "Бунёдкор" сиз кутганчалик ўйинни кўрсатдими? Бугунги ўйин ҳақида фикрларингиз?
Абдуллоҳ Ал Энази: - "Бунёдкор" кутилганидек ўйнади. Жуда кучли, оғир рақиб эди. Гуруҳ босқичидаги энг мураккаби баҳслардан бири бўлди. Шунчаки "Бунёдкор"нинг бу мавсум омади келмади.

- Дарвозабон кўплаб сейвлар амалга оширди. Уларнинг қайси бири қийин бўлди?
Абдуллоҳ Ал Энази: - Бор эътиборимни ўйинга қаратганим боис бунга жавоб бера олмайман.

- Ҳимоячиларингиз ўйинидан қониқдингизми?
Абдуллоҳ Ал Энази: - Ҳимоячиларимиз яхши ўйнашди. Қайтараман бу мавсумдаги энг оғир ўйинимиз бўлди.


Нарзулла Сайдуллаев