RU

Последние новости

15:31"Челси" сўнгги 6 трансфер ойнасида АПЛда энг катта зарар кўрди – 949 миллион евро. Қолганлардачи?  1 15:22"Қизилқум" 4-май куни ўз уйи - Навоийга қайтади  0 14:39Голбан, Дориев, Ғиёсов ва бошқалар ... Суперлига 6-тур рамзий терма жамоаси  2 14:25Винисиус: "Менга яхши инсон бўлишим учун эмас, голлар уришим учун пул тўлашади"  8 14:00"Интер" - "Рома" ўйини 27 апрелга кўчирилди. "Барса" билан ўйин – 30 апрелда  2 13:25"Барса" 2025 йилда Ла Лигада мағлубиятга учрамаяпти – 12 ғалаба ва 2 дуранг  4 13:00Иньеста "Барса" ҳақида: "Ўйинга қараганда, требл ҳақида гапириш – муболаға эмас. Ҳамма нарса яқин кунлардаги ўйинларда ҳал бўлади"  11 12:40Ўзбекистон терма жамоаси тайёргарлиги учун Суперлига 12-тури саналари ўзгаради  12 12:24Суперлига 7-тур расмийлари маълум. Марказий ўйинни Тимур Тўхтасинов бошқаради  5 12:14Россия терма жамоаси CAFA мусобақасида қатнашадими?  23 11:51"Барса" "Мальорка"га қарши ўйинда ТОП 5 лигалардаги рекордни ўрнатди  10 11:40Ўзбекистон Кубоги. "Қўқон-1912" 7 та гол урган учрашувдан галерея  0 11:23Ҳиндистон ва Ислом Исмоилов ёрдами эвазига қўлга киритилган Ўзбекистоннинг ўсмирлар миқёсидаги илк қитъа чемпионлигини ёдга оламиз   18 10:50Кечаги ғалабадан сўнг Гвардиола ўз фикрларини билдириб ўтди  11 10:25Ўзбекистон Кубоги. "Бунёдкор" асосий жамоаси Наманганга бормади  4

Хорватияда "Нефтчи" собиқ футболчисидан кутилмаган қўнғироқ: "Фарғонада бундай жамоа борлигини кўпчилик унутиб қўйди" Новости

Хорватияда "Нефтчи" собиқ футболчисидан кутилмаган қўнғироқ: "Фарғонада бундай жамоа борлигини кўпчилик унутиб қўйди"

Кеча ҳам одатдагидек сайрга чиқдим. Бу сафарги манзилим яшаётган жойимиздан чамаси 2 километр наридаги қишлоқ бўлди. Оддий уйлар, унда қайнаётган ҳаёт. Худди Ўзбекистондаги қишлоқлардан биридаги каби.

Шу онда телеграм мессенжеридан кутилмаган қўнғироқ. Нигоҳ ташласам, ўз вақтида терма жамоамиз ва "Нефтчи"да порлаган, кейинчалик Грецияга кўчиб кетиб маҳаллий академияларнинг бирида дарс бераётган Степан Атоян. У билан ўтган йилнинг сентябрь ойида суҳбатлашгандик. 

Абдулазиз ассалому алайкум.

- Степан Меликович сизмисиз? Очиғи хурсанд бўлдим қўнғироғингиздан. Мен учун кутилмаган ҳолат. 

- Ўзбекистонликлар билан доим алоқадаман. Дўстларим, футболчилар билан гаплашиб тураман. Биласиз, бу йил "Нефтчи" ташкил қилинганига 60 йил тўлди. Шу муносабат билан байрам тадбири, юбилей ўтказилар эканми? "Нефтчи"дек шонли жамоа бунга муносиб. Футболда сиз журналистларнинг ўрнингиз катта. Кўп нарса сизларга боғлиқ. 

- Айни пайтда клубда ижобий ўзгаришлар бошланган. Бу режалардан ўрин олган, деб ўйлайман.  

Шу пайт "Нефтчи"нинг сўнгги пайтлардаги муваффақиятсизликлари ва Ўзбекистон чемпионатидан гап "қопи" очилиб кетди. 



— Сўнгги 4 йилдан бери Грецияда болалар билан ишлмоқдаман. Турнирлар ташкил қиламиз, болалар учун махсус дастурлар тузамиз. Ҳаёт давом этмоқда. "Нефтчи"нинг натижаларидан доим хабардорман. Юқорида айтганимдек йигитлар билан гаплашиб турамиз. Футболчилар клуб шаъни учун ўйнашни бошламас экан, ҳеч қандай мураббий ёрдам бермайди. Биз 50 доллар маошга ўйнар эдик. Клуб манфаати ва обрўси биринчи турарди. "Нефтчи"да ўзига хос ном ва из қолдирганмиз, деб ўйлайман. Биз бу жамоани умрбод мухлиси бўлиб қоламиз. Жамоа аввалги даражасига қайтишини истардим. Чунки Фарғонада "Нефтчи" деган жамоа борлигини кўпчилик унутиб қўймоқда. Бу ачинарли ҳолат. Юрий Саркисянни кетказилиши клуб тарихидаги энг катта хато. Буни ким қилган билмайман. Ҳозир ҳам Юрий Вазгеновични бош мураббий бўлмасада, маслаҳатчи сифатида қайтариш лозим. Ҳали ҳам кеч эмас. Балки шундагина яна клуб ўзига қайтар. Виталий Левченко ҳақида маълумотга эга эмасман. Ҳаммасини вақт кўрсатади. Айни пайтда унга қийин. 


Терма жамоага келсак, ҳаммаси чемпионат даражасига боғлиқ. Ўша пайтларда Ўзбекистон чемпионати даражаси юқори бўлганини тан олиш  даркор. Яхши даражага чиққан пайтлар ҳам бўлди, Дейлик 2008 йил Ривалдонинг "Бунёдкор"га келиши кўп нарса берди. У аҳир жаҳон юлдузи. Тошкент дербилари орқали стадионга мухлислар қайтди. Бугун бундай деб бўлмайди. Ҳозир "Пахтакор", "Насаф", "Навбаҳор" бор. Сречко Катанецни таклиф қилишди? Унга катта пуллар тўланяпти. Нима учун? Билмайман. Хорижлик мураббий тайёр нарсага келади, тамом. Мана, "Насаф"да фундамент, аниқ йўналиш ва стратегия мавжуд. "Нефтчи"да ўтган йили ёшлари ўзининг лигасида чемпион бўлди. Бу жамоа бош мураббийи ( Азиз Алижонов) "Бунёдкор"га кетди. Унда яхши ва тайёр жамоа бор эди. Тахминан 1-2 йилда асосий жамоанинг ўзагини шулар ташкил қилиши мумкин, деб ўйлайман. У яна Фарғонага қайтди ва бу тўғри қарор бўлди. 


Степан Атоян жони ачиганидан гапираётганини сезяпман. Ҳар ҳолда пайтида Фарғонада "Нефтчи"нинг ғалабаларига муносиб ҳисса қўшган, ўзи айтгани каби ном қолдирганди. 

Автор : Iskandarov Abdulaziz
Рейтинг: +17   

Комментарии

championat.asia
< посмотреть последние новости
Яндекс.Метрика