Расман: Хорижлик ҳужумчи “Нефтчи”га ўтди
02 фев 2022 10:40
Новости

Расман: Хорижлик ҳужумчи “Нефтчи”га ўтди

Янги мавсумда ўз олдига юқори мақсадларни қўйган ва таркибни кучайтириш борасида фаоллик билан иш олиб бораётган "Нефтчи" жамоаси сербиялик ёш ва истеъдодли ҳужумчи Марко Шарич билан шартнома имзолади.

Маълумот учун, Марко Шарич 1998 йил 28 ноябрь санасида Сербиянинг Белград шаҳрида туғилган бўлиб, фаолияти давомида "Чукарички", "Раднички","Рад" каби клубларида тўп тепган.

"Нефтчи"га келишидан олдин охирги ўйнаган жамоаси "Металац" клуби ҳисобланади. Сербия чемпионатида 59 та учрашувда майдонда ҳаракатланган 23 ёшли футболчи 11 та голга муаллифлик қилган.