“Хоразм” жамоаси хотира турнирида иштирок этмоқда

Жамоа бош мураббийи Вали Султонов ушбу ўйинлардан шогирдларининг жисмоний, тактик ва техник жиҳатларини синовдан ўтказишда унумли фойдаланяпти.
  
Жумладан, “Хоразм”лик футболчилар Хонқа тумани марказий ўйингоҳида уюштирилаётган футбол фидойиси Қаҳрамон Мусаев хотирасига бағишланган турнирда ҳам иштирокини бошлашди. Урганчлик “чарм тўп” усталари дастлабки учрашувни “Умид ниҳоллари-2005” жамоасига қарши ўтказишди. Ўйинда тажриба ўз сўзини айтди. “Хоразм” жамоаси 5:0 ҳисобида ғалаба қозонди. Урганчлик футболчиларнинг ўйинини кузатиш мақсадида “Хонқа” ўйингоҳига Хоразм вилояти футбол федерацияси биринчи вице президенти Равшан Отажонов ва “Хоразм” футбол клуби директори Султонбой Нурметовлар ҳам ташриф буюришди.
  
Бевосита хотира турнири хусусида тўхталсак, унда саккизта жамоа иштирок этяпти. Мусобақанинг дастлабки кунида тўртта учрашув ўтказилди:
    
“Хоразм” (Урганч) – “Умид ниҳоллари-2005” (Урганч) - 5:0,
“Хонқа” (Хонқа тумани) – “Урганч ОЗК-2” (Урганч) - 4:3,
“Боғот” (Боғот тумани) – “Хоразм-2” (Урганч) - 1:2,
“Урганч ОЗК-1” (Урганч) - “Урганч ОЗК-3” (Урганч) - 4:1.

Икром  ХУДОЙБЕРГАНОВ,