“Хоразм” жамоаси пойтахтда йиғинни бошлади

Айни дамда, воҳалик футболчилар Тошкент шаҳрида машғулотлар ўташяпти.

Ўн кун давом этадиган йиғин доирасида “Хоразм”ликлар бир нечта назорат учрашуви ўтказишни мўлжаллашган. Кеча улар “Геофизика” стадионида “Хоразм-1” ва “Хоразм-2” сифатида ўзаро куч синашишди. Бу ўйинда асосан, етакчи футболчилардан тузилган “Хоразм-1” жамоаси  5:1 ҳисобида ғалаба қозонди.

Жамоа бош мураббийи Вали Султоновнинг таъкидлашича, “Пахтакор-2”(19 март), “Бунёдкор-2”(23 март), “Оқтепа”(24 март) ва “Локомотив”(ёшлар, 25 март) жамоалари билан назорат учрашувларини уюштириш режалаштирилган. Шунингдек, урганчлик футболчилар Хоразмга қайтиш чоғида йўл-йўлакай Самарқанд шаҳрида “Шердор”(26 март) жамоасига қарши майдонга тушишни кўзлашмоқда.

Урганчлик футболчилар белгиланган режа бўйича 20 март куни тиббий кўрикдан ўтишади.

Икром  ХУДОЙБЕРГАНОВ